2 Kɔrent 2:4 - mzwDBL

⁴ Tɔn la n fa aa chwerɛ heyaa la, dɛ a dɛ we n nɛɛ taeh, asɛ n tea bini chɔɡ mɛɛ wi siniire dɛɛ chwerɔ. N fa ta on chwerɛ dɛ́ ɡel he tea bini chɔɡ, kɛ n chwerɔ ásɛ he na ɡɛ del maa dɛ nyin he bwa.

2 Kɔrent 2:4 Iomraidhean Croise

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

2 Kɔrent 12:15

N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ?

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

2 Kɔrent 7:12

Maa chwerɛ heyaa tɔn la la, a ta ɛɛ kɛ naate waa ɛ o dɔŋ wechɔɡa, kɛɛ naate o dɔŋ aa ɛo wechɔɡa waa n chwerɔ. Korowii ɡba nao kɛ n chwerɔ ásɛ he won jemɛ ɡɛ haa dɛ nyin yaa.

Felepae 3:18

dɛkalkɛŋɔ nɛra warɔ baa wola ɡɛ ŋwɛnɛ la ta teŋɛ. N fa baɡle ba waa he be kera aŋwɛnɛ bwa, dɛ berɛ dɛɛ baɡle heyaa taraken sinii ne ŋɔ ba ɛ Yeesu Kristo seo waa sewa daɡaɡre la ta la waa dɔm.