2 Kɔrent 11:3 - mzwDBL

³ Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

2 Kɔrent 11:3 Iomraidhean Croise

Mumpar 3:1

Ola Korowii aa taa la bini la, dɛ harɛkon sie pilo ɡwaa a bwa. Harɛkon la baa pɛɛ haah la ŋɔ, “Kpelaa Korowii ŋɔ he bɛ daa nɔ bɛlbwa nɔn di naa?”

Mumpar 3:13

Belaa Korowii pɛɛ haah la ŋɔ, “Ɛrɛɛ he ɛ ɡɛ nɔɔ?” Anee o chaŋe ŋɔ, “Harɛkon laanee neɡ mɛ asɛ n di.”

Mumpar 3:20

Baa la sɔne Adam. O pa haah la ɡe sɔn Hawa dɛkalkɛŋɔ on dɛɛ ba nɛwɛnyina bwa nya ɛɛ.

Mumpar 3:4

Belaa harɛkon la ŋɔ haah la be ŋɔ, “Nyosonee. Háa sewa ba.

Yela 119:53

N nao kɛ nɛnchɔɡa vɛh he Mmarare la ta teŋa aa, dɛ n baah diu.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

2 Kɔrent 11:29

Asɔre tena la bɛlbwa sɔɔhnaa, dɛ n ɡbabir bwara yɔrɔ. Dɛ Bɔnsam neɡre bɛlbwa kaa wechɔɡa ta naa, dɛ a ɛɛ mɛ bandia.

2 Kɔrent 2:17

Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

Galaasia 1:6

He waa ɛɛ mɛ anebɛlbwa. Korowiirii le heya. Yeesu Kristo aa sune he nɛɛ dɛ lɛ heyaa la waa Korowii le heya. Kɛ he deno dɛɛ vɛh Yeesu Kristo Amanesoma la dɛɛ teŋɛ wefale ta.

Galaasia 2:4

Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

Galaasia 4:11

He waa dɛ we n nɛ. Amɔ toma maa ɛa he be la bwa ɛ pɛɛ aa?

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Kolosi 2:4

N dɛ baɡle heyaa ásɛ nomɛlbwa bɛ won kpɔ nyotor neɡre heya.

Kolosi 2:8

Webaɡla ane lole bane ɛɛ baɡle dɛɛ yera wejema. Hé nyiŋa kɛrɛdɛ. A ɛ nyosone kɛɛ wepuu ba kpɔ dɛɛ neɡre nɛra. Nɛwɛnyini nawee waa, ne koŋkwaa aa dɛ di kpeɡri harɛ nɔ ta wejema waa baa baɡle la. Yeesu Kristo be laa a le.

1 Tesalonika 3:5

A waa ɡela n haŋre kahonɛ dɛ tomɛ Timoti, ásɛ dɛ jemɛ he yarada bini kɛŋɔ Bɔnsam ken baa neɡre heyaa dɛ ɡel ya toma yaa baa ɛ la ken ɛ pɛɛpɛɛ.

1 Timoti 1:3

Waa maa ba dɛ kaa Makidoonia harɛ ta dɛ ŋɔ he be la, a taa n ta do. N ŋɔ hé so Ɛfesos dɛ kah nɛra baa teŋe nyosone dɛɛ tɛ nɛra ŋɔ Korowii Waa baa chaɡle la ŋɔ bá ɡel ɡɛ waa la, dɛ bɛ Korowii waa la sie berɛ.

1 Timoti 2:14

Adam ɡe kwaraa laa Bɔnsam neɡre la. Hawaa o neɡre dɛ ɡel o ɛ wechɔɡa la.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

Taetos 1:10

Deŋnekpeɡ tena lole taraken taeh, dɛ kpɔ wepuu dɛɛ neɡre nɛra. Juu tena baa lɔ he bini dɛɛ maŋkura penteŋ laanee dena dɛɛ ɛ ɡɛ kohona.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

2 Pita 3:17

Anomanta, n dandɛɛɡa, haa dɔa na ken nɔ, hɛ́ɛ nyiŋi kɛrɛdɛ ásɛ dɛ bɛ ba ɡel nɛra baa wola Korowii ɔmɛ ba neɡre heyaa he lɔ naa he yarada la ta, dɛ́ ba choɡli.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

1 Jɔn 2:18

N bidɛɛɡa, wobɛlbwa jaɡa saŋ telo. He noɔ kɛŋɔ Yeesu Kristo dɔm tenten la ɛɛ bao. Hale taraken o dɔma dɔɔ warɛ dɛ ba. Anomanta, ya jemɔ kɛŋɔ wobɛlbwa jaɡa saŋ telo.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

Wepila 12:15

Kontuuɡi damanta la aa ti haah la, o pili o nyoa dɛ uɡe nee a ɛ kɛŋɔ nepale dɛ́ fee palɛ haah la kaa.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 20:2

O kaa lawɛ kontuuɡi damanta o fa aa ɛ harɛkon ya jemɛ o waa le mumpar la, baa yerɔ Baradeɛre Te kɛɛ Bɔnsam la. O kpɔ jɔɡrɔre la vɔrɔwo bil bene kaɡboŋ,