2 Kɔrent 1:9 - mzwDBL

⁹ Ya te fe jemɔ kɛŋɔ yaa sewɔɔ, kɛ ya ta sewɛ. Korowiirii ɛa ɡɛ ásɛ ya bɛ ya ɡbaɡba bokpeɡa ta dɛɛ hwɛɡɛ, ásɛ dɛ kpɔ hwɛɡa do on waa dɛ ir nɛra seo ta la nɛ.

2 Kɔrent 1:9 Iomraidhean Croise

Job Tɔn 40:14

Ate, n fe ɛɛ tɔ sie kpɔ jaamee tɛɛ, dɛ́ sɛh kɛ he kpeɡri ɛɛ won lɛɛ.

Yela 22:29

Nɛra baa dɛ ɛ mbarafo bwa ɛɛ ba tomɔɔ, nɛwɛnyina bwa ɛɛ ba ɡuŋuu.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Aesaya 38:10

“N liiro kɛŋɔ n ta n saŋ tele, dɛɛ ba sewa. N cheɡɛ lalabwɛɛ doonyoa, dɛ n fe aa lii kɛŋɔ mɛɛ dɔ mkpaa.”

Ɛsekeɛl 33:13

Dɛ n ŋɔ nɛn o wa aa toɡra be ŋɔ wɛɛ dɔ o nyuu, asɛ o kpɔ o te dawɛ toɡra o waa fa aa toɡra la ta dɛɛ ɛ wechɔɡa aa, maa o wedɛɛɡa waa ɛa wubwa la bɛlbwa liira ba. Wɛɛ sewɛ o wechɔɡa waa ɛa la waa.

Amanesoma Luk Aa Chwera Tɔn 18:9

Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ,

Tɔn Pɔɔl Aa Chwerɛ Rom Tena 8:36

Gɛ Korowii Tɔn aa dɛ baɡle la, “He nomanta, ya cheɡɛ seo nyoa saŋ bɛlbwa. Saŋ bɛlbwaa baa ɛ yaa kɛŋɔ peera baa dɛ la ka kpoa la ken.”

2 Kɔrent 1:10

O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.

2 Kɔrent 1:8

Yabala, ya dɛ nyin he jemɛ wahala yaa naa Eesia harɛ la wa. Dɛ a kan dɛ ɡwaa ya nɛɛ kohona. Dɛ yaa lii kɛŋɔ yaa le a nyoa bokpeɡa binii.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Hibru 11:19

Dɛ Abraham jemɔ kɛŋɔ hale dɛ Aesek sewɔ kwaraa naa, Korowii dɔ kpeɡri kɛŋɔ ó won iru seo ta. Yaa wonoo ŋɔ sewaa Aesek sewɛ dɛ berɛ ba Abraham nɔn ta ja.