2 Kɔrent 1:4 - mzwDBL

⁴ On dɛɛ larawe ya bwara ya wenaale bwa ta, ásɛ ya ɡe won che bambisɔɔhna waa tɛ yaa la ta dɛɛ larawe yabala baa lɔ wenaale bɛlbwa soo siwi ta la bwara.

2 Kɔrent 1:4 Iomraidhean Croise

Yela 32:5

Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Yela 32:7

He bee n chwa baa sɔh, hɛɛ lɛɛ mɛɛ le sibeɡra ta. Mɛɛ ɡo yelaa kpɛɛre, lɛɛ haa lɛɛ mɛ la wa.

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

Yela 86:17

Gel n na waane, á baɡle kɛŋɔ he waa wer tɛ mɛ, ásɛ n dɔma na sihiih kpo ba, dɛkalkɛ henee cha mɛ dɛ larawe n bwara.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 40:1

Korowii haa dɛ tomɔ la ŋɔ, “Hé larawe n nɛra bwara.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Amanesoma Jɔn Aa Chwera Tɔn 14:16

Mɛɛ soŋe n Mɛɛ Korowiirii ó berɛ tɛ heyaa Habɔchekpaa ja wɛ́ɛ cha heya, dɛ́ soŋe dɛɛ tɛ heya, ásɛ he ne o so saŋ bɛlbwa.

Amanesoma Jɔn Aa Chwera Tɔn 14:18

N baa kaa laa, maa heyaa ta kɛ bilalbii, mɛɛ berɔɔ ba he be.

Amanesoma Jɔn Aa Chwera Tɔn 14:26

Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

2 Kɔrent 7:13

Anee larawe ya bwara. A ɡbo laa. Yaa na ɡɛ haa cha Taetos o dɔ silɛɛ la, a ɡelɔ ya sie lɛ.

2 Kɔrent 7:4

He waa dɔ kasinteŋ n be. He ɡelɔ n baŋa ɛɛ pa taeh. Ya wenaale yaa dɛ na bwa habɔɔ la, n bwara ta hwaeh. N sie ta dɛ lɛ taeh.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

1 Tesalonika 4:18

Anomanta, hé kpɔ waa nɔ dɛɛ larawe dɔŋa bwara.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

Hibru 12:12

Anomanta, hé do banɔ la ba bwara aa yɔra ɡbemba, ba won che kiŋkiŋ.