2 Kɔrent 1:3 - mzwDBL

³ Hé ɡel ya kpɛɛ ya Dɔɔ Yeesu Kristo Mɛɛ Korowii. Onee ya Mɛɛ o tea aa dɛ domɛ ya nɛɛ kohona, dɛ ɛ Korowii waa wona dɛɛ larawe nɛn bwara.

2 Kɔrent 1:3 Iomraidhean Croise

Mumpar 14:20

Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

Yela 18:46

Korowii lole kɛrɛdɛ! Korowii waa do kɛ Bwetal la, hé kpɛɛro! Onee n chwa kaa marɛ. Hé ɡel Korowii waa dɛ lɛɛ mɛ la sɔn le.

Yela 68:35

Korowii le o Dea dɛɛ ba naa, ɔmee kohona dɛ chole nɛra nɛ. Onee Israel tena ɛɛ tomɛ, wɛɛ tɛɛ ba kpeɡri. Hé kpɛɛro!

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Aesaya 66:13

Mɛɛ larawe Jerusalam tena bwaraa, ɡɛ haah yon dɛɛ ɛ o bie la.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 9:9

Korowii yaa dɛ tomɛ, a lole kɛŋɔ ya ɛ deŋnekpeɡ he nɛ, he dɛ sune nɛn nɛɛ dɛ kpɔ wechɔɡa dɛɛ kɛ,

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

Kolosi 1:3

Ya dɛ jam ya Dɔɔ Yeesu Kristo Mɛɛ Korowii he waa ya wesoŋa bini saŋ bɛlbwa,

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

2 Jɔn 1:4

N sie lɛo kohona kɛ maa na he bii la bane kɛ ba teŋɛ kasinteŋ waa la ta ɡɛ ya Mɛɛ waa lɔ nyundua la aa ŋɔa yáa ɛ la.

2 Jɔn 1:9

Nomɛlbwa waa dɛ baɡle Yeesu Kristo waa la dɛ kpɔ o ɡbabir nyu bini liire dɛɛ ja la, amɔ dɛ Korowii ta naate nɛɛ teŋɛ. Nomɛlbwa waa jemɛ Yeesu Kristo webaɡla la dɛɛ baɡla ɡɛ aa doa la, dɛ Korowii ne o Bie la teŋɛ o nɛɛ kɛrɛdɛ.