1 Webena 3:2 - mzwDBL

² toorote ɡe Absalɔm, o nyaa Maaka. Gesur Kooro Talmai bihaahnee, naarɛte ɡee Adonija, o nyaa Haɡit,

1 Webena 3:2 Iomraidhean Croise

2 Samoɛl 13:1

A habɔɔ la, Kooro Devid bibaa Absalɔm dɔ nimambihaah bɛl waa wola yalɛ baa yerɔ Taama, asɛ Kooro Devid bibaa Amnɔn ɛɛ nyinu. Dɛ o wer tolo kɛrɛdɛ.

2 Samoɛl 13:38

Absalɔm aa chwaa ka so Gesur la, o soɡe bela bene atoro.

2 Samoɛl 14:23

Belaa Joab ir dɛ la Gesur ka kpɔ Absalɔm ba Jerusalam.

2 Samoɛl 14:32

Anee Absalɔm chaŋo ŋɔ, “N tomɔ ŋɔ bá ka ŋɔ he be ŋɔ he ba ásɛ n tomɛ kooro be, dɛ́ fee ka bɔɔro ŋɔ, ‘Bɔkwa waa n le Gesur ba bonɔ nɔ? A wer kɛ n fe ta aa soɡe bela!’ N dɛ nyin kɛŋɔ n la kooro sie, dɛ bolchɔɡe bɛlbwa kwaraa n di aa, he ɡel o kpo mɛ.”

2 Samoɛl 15:8

Gɛ saŋ he bonɔɔ fa aa lɔ Gesur Siiria harɛ ta la, n baɡɛ nyoa ŋɔ, ‘Dɛ Korowii wono berɛ kpɔ mɛ ba Jerusalam aa, mɛɛ tomɔɔ Hɛbrɔn.’ ”

2 Samoɛl 18:14

Ate, Joab ŋɔ, “Maa ŋɔ n dɛ che dɛ biɡri kpa.” Anomanta, o kpɔ lampeare atoro dɛ yaɡɛ Absalɔm bambile ta, o siwi ta aa lole o saɡɛ dajen la ta la.

2 Samoɛl 18:18

Absalɔm fa aa soɡe le la, o ma komɛl dɛ kpɔ tɛ o te ba kpɔ dɛɛ liiru bobɛl baa dɛ yerɔ Kooro Fɛlembɔjen ta. O liiro ŋɔ, “N ta bibaa lolɛ á che o nɛɛ ń dɔ sɔn.” O kpɔ kon la sɔn pa o te, anomanta, ba le fini ba dɛ yerɛ kon la Absalɔm Kon Baa Kpɔ Dɛɛ Liiru.

2 Samoɛl 18:33

Ate, dɛ kooro soɡo dɛɛ chel. O cheɡɛ doonyoa la nyundua dɛ kaa dea dɛ ka wi. Waa dɛ kaa la, dɛ o dɛ wi ŋɔ, “N bidɛɛɡe, Absalɔm, menee fe sewa sɛ?”

2 Samoɛl 3:3

nɛɛte sɔne Keleab, o nya sɔne Abiɡel waa ɛ Nabal luhaah dɛ le Kaamɛl, toorote ɡe Absalɔm, o nyaa Maaka. Gesur Kooro Talmai bihaahnee.

2 Samoɛl 3:4

Bibaa waa teŋa naarɛ sɔne Adonija, o nya sɔne Haɡit. Binue te la ɡe sɔne Sɛfatea, o nya sɔne Abital,

1 Koranar 1:5

Asɛ Kooro Devid ne o haah bɛl baa dɛ yerɔ Haɡit bibaa Adonija ɛ karamani kɛŋɔ, wɛɛ chiɡ o mɛɛ naa taa dɛ́ di kora. Anomanta, o nyin kwaa aa do kɛ torɔɡo ba vɔwɛ dɛɛ pɛl jaɡre ne jaɡre dɛ baala fifraanue ba tɔ o sie.

1 Koranar 1:6

O mɛɛ Kooro Devid ta wobɛlbwa bolɛ baɡlo, dɛ bɔɔro ŋɔ, “Ɛrɛɛ hɛɛ ɛ waa ɡɛ nɔɔ?” Dɛ Adonijaa teŋɛ o dɔɔ bɛl waa sewa baa yerɔ Absalɔm la nɛ, dɛ o wer bonɔɔ kɛrɛdɛ.

1 Koranar 2:22

Anee Kooro Solomɔn chaŋe o nya ŋɔ, “Ɛrɛ waa hɛɛ soŋe Abisaɡ Sunem te nɔ dɛɛ tɛ Adonija ó mo nɔɔ? Den bol kora la waa ɡe tɛo, on ɡee n dɔɔ. Bol tɛ o ne sɔfo Abiata ne Seruya bibaa Joab, dɛkalkɛ ba bwa teŋɛ o nɛ.”

1 Webena 2:23

Kɛ Gesur ne Aram harɛre tena yo bwɛɛre fifraanumɛl. Havɔt Jɛɛ ne Kenat, dɛ bwɛɛre aa baro cheme bwa ɡe jao. A ɡɛ nɛra nɔ baa soɡe bela bwa ɛ Gelead mɛɛ Makir naanar.

1 Webena 3:1

Kooro Devid bibaala waa lol ba Hɛbrɔn laanee teŋa nɔ. Binomoa sɔne Amnɔn, o nyaa Ahinoam, o le Jesreel, nɛɛtee Daneɛl, o nyaa Abiɡel, waa le Kaamɛl,

1 Webena 3:3

Sɛfatea teŋɛ, o nyaa Abital, asɛ Itriam teŋɛ, o nya sɔne Eɡla.

Josua 13:13

Israel tena ta Gesur tena ne Maaka tena te doŋe, bane ba ta pɛo so dɛ ba le fini.