1 Timoti 4:3 - mzwDBL

³ Gɛ nɛra nɔɔ vala dɛɛ chaɡle nɛra ŋɔ aa were kɛ baa mo haah kɛɛ haah yalɛ la, dɛ berɛ ŋɔ kondikwaa ane aa were kɛŋɔ nɛra di la. Kɛ Korowiirii ta ɡɛ kondikwaa nɔ ŋɔ bánɔ la baa jemɛ kasinteŋ waa la dɛɛ yaradao la kpɔ jam tɛo dɛ́ dia.

1 Timoti 4:3 Iomraidhean Croise

Mumpar 9:3

Hɛ́ɛ won di a ɡɛ ola a siwi aa lole la, hɛ́ɛ wonoo kpoora di. Gɛ maa tɛ heyaa papooni, asɛ a ɛ kondikwaa tɛ heyaa la, ɡɛɛ n kpɔ a ɡe dɛɛ tɛ heya.

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Daneɛl 11:37

Kooro la aa duuree kpɔ tɛ voɡa o naawa aa toma la, ne onɔ la haahna aa dɛ nyinu la. Kasinteŋ, waa voɡ bɛlbwaa duu, dɛkalkɛ wɛɛ maŋkura o tenee ŋɔ o ɡwaa komɛlbwa.

Matiu 14:19

O ɡel nɛra la bwa so harɛ kpɔɡlor la ta, asɛ dɛ kpɔ paanoo anue la ne pɛŋa anɛ la, dɛ ha sie nyiŋi nyundua dɛ jam Korowii, dɛ mɔne paanoo la do o habɔteŋra la nɔɔra ta dɛ ŋɔ bá bɔne tɛɛ ba,

Matiu 15:11

kwaa nɛn aa dɛ di laa ɡela o ɛ nɛnchɔɡe, nemenɛ anɔ la aa dɛ le o nyoa wɛɛ bol la.”

Matiu 15:36

Asɛ o kpɔ paanoo anuanɛ la ne pɛŋa la dɛ jam Korowii, dɛ mɔne do o habɔteŋra la nɔɔra ta, dɛ ŋɔ bá bɔne tɛ nɛnlaa la, ba ɡe bɔne tɛɛ ba.

Amanesoma Luk Aa Chwera Tɔn 24:30

Kondiiɡa saŋ aa tela ba ka cheme tiɡ ta la, o kpɔ paanoo dɛ jam Korowii dɛ kuuɡi do ba nɔɔra ta.

Amanesoma Jɔn Aa Chwera Tɔn 6:23

Asɛ ɡbeni ane le bwɛɛ bɛl baa dɛ yerɔ Tibeerias ta, dɛ ba leebɔɔ la ta bela nɛra la aa soɡa Yeesu kpɔ paanoo dɛ jam Korowii a waa dɛ bɔne tɛɛ ba ba di la.

We-ɛɛla 27:35

Waa ŋɔ ɡɛ la, o kpɔ paanoo dɛ jam Korowii ba bwa siwi ta, dɛ mɔn dɛ di.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 14:3

Naate waa dɛ di komɛlbwa la, a ta chɛɛ kɛŋɔ wɛɛ lii naate waa wola ol di la nɛndoŋ. Naate waa wola ol di la, o bɛ naate waa dɛ di komɛlbwa wechɔɡ-ɛɛ dɛɛ lii, dɛkalkɛŋɔ Korowii lɛo dɛ ɛo o bie.

Tɔn Pɔɔl Aa Chwerɛ Rom Tena 14:6

Nomɛlbwa waa dɛ lii kɛŋɔ tɔpere bɛl ɛ onjen dɛ ɡwaa bɛl la, o dɛ tɛ Korowii duure, a waa wɛɛ ɛ ɡɛ. Nomɛlbwa waa dɛ di komɛlbwa la, o dɛ tɛ Korowii duure, a waa wɛɛ ɛ ɡɛ, dɛkalkɛŋɔ o dɛ jam Korowii kondikwaa la wa. Nomɛlbwa waa dɛ ki kondikwaa ane soo dii la, o ɡe dɛ tɛ Korowii duure, a waa wɛɛ ɛ ɡɛ. O ɡba dɛ jam Korowii.

1 Kɔrent 6:13

Bɛl ɡee ŋɔɔ, “Tea waa kondikwaa do le, asɛ kondikwaa ɡe che dɛ tɛ tea.” Kpelaa, kɛ Korowii ɡelɔ a bwa dɔ jaɡa dɛ chɔɡ. O ta nɛn bwadabii ɛɛ tɛo ŋɔ ó kpɔ ɛ jwamanwa, kɛ o ɛo tɛo kɛŋɔ ó kpɔ tomɔ. Anomanta, nɛn bwadabii ɛ Korowii kon, wɛɛ tɛo komɛlbwa.

1 Kɔrent 7:28

He mo haah naa, a ta wechɔɡa ɛɛ. Dɛ haah ɡe yalaa, a ta wechɔɡa ɛɛ. Kɛ waa lɔ a ta he soɡa bini, a waa mɛɛ nyin n lɛ heyaa le a ta la.

1 Kɔrent 8:8

Ya kondikwaa yaa dɛ dia laa dɛ́ ɡel ya ɛ nɛndɛɛɡa Korowii be. Dɛ ya dɛ dia oo, ya dɛ kia oo, aa wobɛlbwa baɡle.

Kolosi 2:16

Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Timoti 2:4

O te dɛ nyin kɛŋɔ nomɛlbwa dɔ o nyu, ásɛ dɛ ba jemɛ kasinteŋ waa la.

1 Timoti 4:4

Korowii kontaala te bwa wer. Dɛ ya kpɔ jam tɛo mɔɔ dɛ lɛa te naa, ate dɛ komɛlbwa ta vɛɛh doe,

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

1 Samoɛl 9:13

Hé deno jo bwɛɛ la bini naa, hɛɛ nao mɔɔ dɛ́ kaa saraha la bɔr ka di kwa. Onee dɛ́ swee saraha kwaa ta tɛ nɛra la mɔɔ bá di, ásɛ mɔɔ nɛra baa ta nɔn yer ba la ɡe di. Hé kaa taraken, hɛ́ɛ ka nao.”