1 Timoti 4:2 - mzwDBL

² Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.

1 Timoti 4:2 Iomraidhean Croise

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 23:26

Saŋ besoo a ɡɛ keamere nyosonteŋna baa cheɡɛ ba ɡbabir liire ta dɛɛ baɡle waa nɔ ɛɛ ba ɡela ɔ?

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

We-ɛɛla 20:30

N jemɔ kɛŋɔ he ɡbaɡba bini bane ɛɛ dɛɛ bol waa aa wola weree, dɛ́ neɡre nɛra ásɛ ba ɡel Yeesu nɛɛ teŋa dɛɛ teŋɛ ba nɛ.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Ɛfesos 4:19

Wobɛlbwa aa ban sihiih ɛ. Anomanta, ba saahnɔ dɛɛ teŋɛ ba pɛlchɔɡa we-ɛɛla ta, dɛɛ ɛ wedoŋa ba siwi swɛɛ a ta.

2 Timoti 3:5

Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.

Wepila 16:14

Bɔnsam kwaa, asɛ a won dɛɛ ɛ nyokpowa. A leɔ dɛɛ kaa harɛ nɔ ta koranar bwa be, dɛ́ ka lawɛ ba bwa cheme bá yo Korowii Waa Ɛ Kpeɡri Bwa Dɔɔ laa o tɔpejen la ta.