1 Timoti 4:1 - mzwDBL

¹ Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.

1 Timoti 4:1 Iomraidhean Croise

Mumpar 3:13

Belaa Korowii pɛɛ haah la ŋɔ, “Ɛrɛɛ he ɛ ɡɛ nɔɔ?” Anee o chaŋe ŋɔ, “Harɛkon laanee neɡ mɛ asɛ n di.”

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Jeremia 23:26

Saŋ besoo a ɡɛ keamere nyosonteŋna baa cheɡɛ ba ɡbabir liire ta dɛɛ baɡle waa nɔ ɛɛ ba ɡela ɔ?

Jeremia 48:47

Kɛ tɔpera ane dɛ ba ásɛ n berɛ ɡel Moab harɛ do ɡɛ o fa aa doa ja. Men Korowiirii bola.” Bonɔɔ men Jeremia Korowii waa maa bola ŋɔ wɛɛ pa Moab tena bolchɔɡe la jaɡɛ.

Jeremia 49:39

Kɛ a habɔɔ la, mɛɛ berɔ ɡel Elam tena wobɛlbwa do wer tɛɛ ba. Men Korowiirii bola.”

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Daneɛl 10:14

Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

Amanesoma Luk Aa Chwera Tɔn 17:1

Yeesu ŋɔ o habɔteŋra la be ŋɔ, “A ɛ wobɛlbwa, waa aa dɛ ba ɡela nɛn ɛ wechɔɡa la ɛɛ bao. Kɛ naate aa che o nɛɛ dɛ́ ba la, bwɛɛlɛ.

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 20:23

Waa maa jema bwaa kɛŋɔ bwɛjen bɛlbwa ta maa la la, ɡɛɛ Korowii Domadɛɛɡe che nɛra nɛɛ dɛ ŋɔ wahala ne dea chɔe chɔ n sie dɛɛ kpaa mɛ.

We-ɛɛla 21:11

Waa ba ya be la, o baa kpɔ Pɔɔl kiriso, dɛ vɔrɔwe o ɡbaɡba nɔɔra ne nakpale dɛ ŋɔ ya be ŋɔ, “Kenii Korowii Domadɛɛɡe ŋɔ, Juu tena ɛɛ vɔrɔwe kiriso nɔ te kenii Jerusalam, dɛ kpɔɔ do nɛra baa wola Juu tena ɛɛ nɔn ta.”

We-ɛɛla 28:25

Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ, “Korowii Domadɛɛɡe cheɡɛ o keame Aesaya nɛɛ bol waa ya naawa be, dɛ kpelaa o ŋɔ. O bolɔ ŋɔ,

1 Kɔrent 10:20

N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa.

1 Kɔrent 11:19

Aa ba ɡɛɛ. Dɛ a ta ɡɛ balaa, nɛra aa won jemɛ banɔ la baa ɛ nɛndɛɛɡa he bini.

1 Kɔrent 12:11

A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.

1 Kɔrent 2:10

Kɛ Korowii cheɡɛ o Domadɛɛɡe la ta dɛɛ baɡle yaa a waa ásɛ ya won no a mun. O Domadɛɛɡe la dɛ na wobɛlbwa bini kɛrɛdɛ, hale dɛ jemɛ Korowii wesɔɔhla ɡba.

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

2 Timoti 4:4

dɛ́ laa ba deŋne kpɔ kasinteŋ waa la ta, dɛ́ kaa no nyosonwa.

Jems 3:15

Gɛ wejema nɔ ta Korowii doa wejema ɛɛ, a ɛ harɛ ta kwa. Korowii Domadɛɛɡe toole a ta. Bɔnsam liiree.

1 Pita 1:20

Korowii aa leo ŋɔ ó ɛ a ɡɛ toma nɔ, dɛ ba ta nyundua ne harɛ tae mɔɔ. Kɛ he waa o koh dɛ ɡel o ba harɛ nɛra nao, tɔpera aa ka mun nɔ ta la.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

1 Jɔn 2:18

N bidɛɛɡa, wobɛlbwa jaɡa saŋ telo. He noɔ kɛŋɔ Yeesu Kristo dɔm tenten la ɛɛ bao. Hale taraken o dɔma dɔɔ warɛ dɛ ba. Anomanta, ya jemɔ kɛŋɔ wobɛlbwa jaɡa saŋ telo.

1 Jɔn 4:6

Ya te ɛ Korowii bii. Nomɛlbwa waa jemɛ Korowii la dɛ no ya wa. Nomɛlbwa waa wola Korowii jemɛ la aa ya waa no. Anɔ taa yaa ba cheɡa dɛ́ jemɛ banɔ la baa dɔ kasinteŋ Doma waa ɛ Korowii kon ne banɔ la baa dɔ nyosone kon la.

Tɔn Jud Aa Chwera 1:18

Ba ŋɔ he be ŋɔ, “Tɔpera aa ka mun la ta la, nɛra ɛɛ leo dɛɛ mamɛ heya. A ɡɛ nɛra nɔ aa Korowii ɔmɛ. Wedoŋa ba sie aa dɛ lɛ a taa baa ɛ.”

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 16:14

Bɔnsam kwaa, asɛ a won dɛɛ ɛ nyokpowa. A leɔ dɛɛ kaa harɛ nɔ ta koranar bwa be, dɛ́ ka lawɛ ba bwa cheme bá yo Korowii Waa Ɛ Kpeɡri Bwa Dɔɔ laa o tɔpejen la ta.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,

Wepila 18:23

Kandea bɛlbwa aa belaa chaah kpa. Baa hanfala ne ba jaranar taa no bela bwa. He bonadiire ɛ nɛnjena ba dɔŋa aa wola toole harɛ nɔ ta bobɛlbwa. He wono berɛ harɛ nɔ ta nɛra bwa liire, ba nyoɡre kɛŋɔ baa kpɔ tɛɡchɔɡa dɛɛ berɛ nɛn liire la.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 2:29

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la.”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.

Wepila 20:8

O leɔ waa, wɛɛ ba neɡre nɛra baa lɔ harɛ nɔ ta bobɛlbwaa, Gɔɡ tena ne Maɡɔɡ tena, dɛ́ pona ba, bá warɛ kɛŋɔ mpo nyoa hɛŋle ken, dɛ́ kpɔ ba yo laa.

Wepila 3:13

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”

Wepila 3:22

Nomɛlbwa waa dɔ deŋne la, ó no waa Korowii Domadɛɛɡe la aa dɛ bol asɔre tena be la.”

Wepila 3:6

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.