1 Timoti 2:2 - mzwDBL

² Hé soŋo dɛɛ tɛ koranar ne nɛra baa dɛ di nomonome bwa, ásɛ ya bwa so bosɔɔhna ta jeih ken, dɛɛ tomɛ Korowii ɡɛ aa chɛa, dɛɛ ɛ waa aa wera o be.

1 Timoti 2:2 Iomraidhean Croise

2 Samoɛl 20:19

Nɛra yaa soɡe bwɛjen nɔ ta waa dɔ deŋnesɔɔhna kohona ne kasinteŋ Israel harɛ, asɛ hɛɛ nyin he chɔɡ bwɛjen Ebel. Ɛrɛɛ hɛɛ nyin he chɔɡ Korowii kapɛrɛ kwaa nɔɔ?”

Ɛsra 6:10

ɡɛ aa ɛ ásɛ ba won dɛɛ ɛ sarahare aa dɛɛ su Korowii Waa Dɛ Di Kora Nyundua siwi, dɛ́ soŋe tɛ kooro ne o bibaala ɡe.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Yela 72:1

N Naa Korowii, baɡle kooro ɡɛ waa bol wa, dɛɛ pa bole aŋwɛnɛ ta, ɡɛ he wa aa toɡra. Baɡlo o do ɡɛ haa doa la,

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.

Jeremia 29:7

Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

Tɔn Pɔɔl Aa Chwerɛ Rom Tena 12:18

Dɛ aa maɡroo waa, hɛɛ wonoo waa, hé takapɔ ásɛ wechɔɡa bɛlbwa bɛ he ne nomɛlbwa baah do.

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.

1 Tesalonika 4:11

Hé takapɔ dɛ́ ɛ he te nɛŋɡwɛɡra dɛ bɛ nɛra waa ta dɛɛ jo. Hé kpɔ he bokpeɡa ɛ toma, dɛ bɛ he te kpɔ dɛɛ dawɛ nɛra nɛ, ɡɛ yaa ŋɔ he be wubwa la.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.