1 Timoti 1:3 - mzwDBL

³ Waa maa ba dɛ kaa Makidoonia harɛ ta dɛ ŋɔ he be la, a taa n ta do. N ŋɔ hé so Ɛfesos dɛ kah nɛra baa teŋe nyosone dɛɛ tɛ nɛra ŋɔ Korowii Waa baa chaɡle la ŋɔ bá ɡel ɡɛ waa la, dɛ bɛ Korowii waa la sie berɛ.

1 Timoti 1:3 Iomraidhean Croise

We-ɛɛla 18:19

Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 18:21

Kɛ waa dɛ ba ba be lee dɛ kaa la, o ŋɔ ba be ŋɔ, “Dɛ Korowii sɛoh te naa, mɛɛ berɔɔ ba he be,” dɛ́ che Ɛfesos kpɔ stiimae kaa.

Tɔn Pɔɔl Aa Chwerɛ Rom Tena 15:26

Ba bala baa lɔ Makidoonia ne Akaya harɛre ta koŋkwaare ane ŋɔ ń kpɔ ka tɛ Jerusalam Korowii nɛra ba wa aa toɡra, ba soɡa bini do kpeɡri tɛɛ ba la.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

2 Kɔrent 11:4

Kɛ he dɛ lawɛ bambile dɛɛ no nɛra baa ba he be dɛ baa baɡle Yeesu waa a korɛ waa ya fa aa baɡle heyaa la ta nɔ? Kɛ ba dɛ baɡle kwaa aa dɛ ir nɛra nɛɛ waa a korɛ Korowii Domadɛɛɡe waa soɡe he nɛɛ la ta, kɛɛ ba dɛ baɡle heyaa amanesoma a korɛ anɔ la ya fa aa baɡle heyaa la ta naa, he dɛ lawɛ bambile dɛɛ no ba be nɔ?

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Felepae 2:24

N dɔ hwɛɡa ya Dɔɔ nɛɛ kɛŋɔ aa biɡri bɛlbwa ásɛ n ɡbabir dɔ bɔr dɛ́ ba he be.

1 Timoti 4:11

Dɛɛ chaɡ ba ɡɛ waa nɔ bwa dɛɛ ja ba báa teŋɛ a ta.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

1 Timoti 5:7

Ja ba ɡɛ waa nɔ ta, ásɛ nɛra bɛ ba bwara wechɔɡe dɔ bol.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Timoti 6:3

Nomɛlbwa waa dɛ chaɡle Korowii Wa, asɛ a korɛ ya Dɔɔ Yeesu Kristo kasinteŋ waa la ta, ne ɡɛ yaa dɛ chaɡle nɛra ŋwɛnɛ baa kpɔa dɛɛ tomɛ Korowii la ta la,

2 Timoti 1:18

Ya Dɔɔ laanee dɛ na o sum o bala tɔpere la ta. Henee jemɛ koeh damanta waa koh n nɛɛ Ɛfesos.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.