1 Jɔn 5:7 - mzwDBL

⁷ Kombele atoroo di danseɛ dɛɛ tɛ Yeesu.

1 Jɔn 5:7 Iomraidhean Croise

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 18:16

Kɛ dɛ o ŋɔ waa sɛh kɛ o ɛ wechɔɡa aa, ka nyin nɛmbeŋkpoŋ kɛɛ banɛ ja he nɛ, ásɛ he ne ba la o be, dɛkalkɛ nɛra banɛ kɛɛ batoro danseɛ ɛ kasinteŋ.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 12:28

Asɛ o ŋɔ, “N Mɛɛ, ɡel he sɔn dɔ jirima!” Belaa ba no taa bɛl le nyundua kɛŋɔ, “N ɡelɔ n sɔn dɔ jirima, kɛ mɛɛ berɔɔ ɡel o dɔ ja.”

Amanesoma Jɔn Aa Chwera Tɔn 14:17

Korowii Domadɛɛɡe laanee. Wɛɛ ɡeloo he jemɛ Korowii kasinteŋ waa la. Nɛra baa dɔ harɛ nɔ ta ɡbo liire aa won yarada o Domadɛɛɡe wa, dɛkalkɛ baa won nao ásɛ dɛ jemɔ. Kɛ he te jemɔ, dɛkalkɛ o ne heyaa lole, asɛ o so he nɛ.

Amanesoma Jɔn Aa Chwera Tɔn 15:26

Mɛɛ tomɛ Habɔchekpaa laanee o le n Mɛɛ be dɛ́ ba he be. Onee Korowii Domadɛɛɡe waa dɛ baɡle Korowii kasinteŋ waa la. Dɛ o balaa, onee dɛ́ ɛ n danseɛ.

Amanesoma Jɔn Aa Chwera Tɔn 5:26

Gɛ Korowii aa dɔ mkpa dɛɛ tɛ la, ɡɛɛ o ɡel o Bie la ɡe dɔ mkpa dɛɛ tɛ,

Amanesoma Jɔn Aa Chwera Tɔn 8:18

N ɡbaɡbaa dɛɛ di n te danseɛ, asɛ n Mɛɛ la waa tom mɛ la ɡe ɛ danseɛ dɛ ja n nɛɛ wobɛlbwa maa dɛ ɛ ta.”

Amanesoma Jɔn Aa Chwera Tɔn 8:54

Anee Yeesu ŋɔ, “N ɡbaɡba dɛ nyin sɔn aa, a ɛ pɛɛpɛɛ, kɛ n Mɛɛ la haa dɛ bol o waa ŋɔ onee Korowii haa dɛ tomɔ laanee dɛɛ tɛ mɛ sɔn.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

We-ɛɛla 5:32

Nae yaa na waa nɔ la waa yaa di a danseɛ la. Korowii Domadɛɛɡe waa kpɔa tɛ nɛra baa dɛ teŋɛ o ŋwɛnɛ ta la ɡe cheɡɛ ya nɛɛ dɛɛ di waa nɔ danseɛ.”

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

Mmarare 6:4

Israel tena, hé no. Korowii yaa dɛ tomɔ habɔɔ, Dɔɔ bɛlbwa toole kpa.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.

1 Jɔn 5:6

Yeesu Kristo aa bala dɛ ba ɛ o toma la, nee ne chal taa o che dɛ ba. Korowii nee sɔe la ɡbo ta laa o toma la che. Kɛ o chal waa fuɡa ta la ne Korowii nee sɔe la bwa taa a che. Asɛ Korowii Domadɛɛɡe ɡee di danseɛ, dɛkalkɛ o ɛ kasinteŋ te.

1 Jɔn 5:8

Korowii Domadɛɛɡe la, ne Korowii nee baa sɔɔ la, ne o chal waa fuɡa ta la bwaa di danseɛ dɛɛ tɛo dɛɛ baɡle wesiwi beŋkpoŋ.

Wepila 19:13

O sɔn bɛl ɡee Korowii Nyoa Wobol. O tɔ yal bɛl baa kpɔa li chal.