1 Jɔn 5:13 - mzwDBL

¹³ N chwerɛ waa nɔ baa tɛ he banɔ la haa dɛ yarada Korowii Bie la, ásɛ he jemɛ kɛŋɔ he dɔ Korowii mkpa aa wola jaɡa dɔe la.

1 Jɔn 5:13 Iomraidhean Croise

Amanesoma Jɔn Aa Chwera Tɔn 1:12

Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.

Amanesoma Jɔn Aa Chwera Tɔn 2:23

Yeesu ta aa lɔ Jerusalam dɛɛ di Galekaa Tɔpejen la, nɛra warɔ dɛ che o nyokpowaa waa ɛa ta, dɛ yaradao kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 21:24

A ɡɛ habɔteŋre nɔɔ baɡle ɡɛ waa nɔ dɛ chwerɛ a bwa bil. Ya jemɔ kɛŋɔ a ɛ kpela.

Amanesoma Jɔn Aa Chwera Tɔn 3:18

Nomɛlbwa waa yarada n waa la, Korowii aa o waa bol á ba ɛ kɛ wɛɛ di bolchɔɡee. Kɛ nomɛlbwa waa wola n waa yaradae la, Korowii pao bolchɔɡe tonɛ, dɛkalkɛŋɔ o ta o Bibeŋkpoŋ la waa yaradae.

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

We-ɛɛla 3:16

O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

1 Jɔn 1:4

Ya dɛ nyin kɛ ya bwa bwara sɔɔh yaa kɛrɛdɛ. A waa ya chwerɛ tɔn nɔ baa tɛ heyaa la.

1 Jɔn 2:1

N bidɛɛɡa, n chwerɛ waa nɔ dɛɛ tɛ heya, ásɛ he bɛ wechɔɡa dɛɛ ɛ. Kɛ dɛ nomɛlbwa ɡarɔ ɛ wechɔɡa aa, ya dɔ nomɛl o do ya Mɛɛ waa lɔ nyundua la be, dɛ́ soŋe ya wechɔɡa dɛɛ tɛ yaa. Onee Yeesu Kristo la. O Waa Toɡrɔ.

1 Jɔn 2:21

Kasinteŋ bɛ jema waa laa n chwerɛ tɔn nɔ baa tɛ heya. He jemɛ kasinteŋ la, dɛ jemɛ kɛŋɔ nyosone ne kasinteŋ aa valɛ bwa.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

1 Jɔn 2:26

Nɛra baa dɛ ba dɛ fee baa neɡre heyaa la waa n chwerɛ ɡɛ waa nɔ dɛɛ tɛ heyaa la, ba bɛ won neɡre heya.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

1 Jɔn 4:9

Kenii o baɡle o nyina waa dɛ nyin yaa. O ɡelɔ o bibeŋkpoŋ la ba harɛ nɔ ta, ásɛ ya che o nɛɛ dɛ́ dɔ mkpa.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

1 Jɔn 5:11

Waa Korowii aa bola a ɛ danseɛ laanee nɔ. O tɛ yaa o mkpa aa wola jaɡa dɔe bwa la, asɛ o Bie la bee ɡɛ mkpa la ɡe le.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.