1 Jɔn 5:11 - mzwDBL

¹¹ Waa Korowii aa bola a ɛ danseɛ laanee nɔ. O tɛ yaa o mkpa aa wola jaɡa dɔe bwa la, asɛ o Bie la bee ɡɛ mkpa la ɡe le.

1 Jɔn 5:11 Iomraidhean Croise

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Amanesoma Jɔn Aa Chwera Tɔn 1:19

A wola bɛl, Juu tena nomonome baa lɔ Jerusalam la tomɛ ba sɔfore ne Lewi dea tena ŋɔ bá ka bɔɔ Jɔn o nɛnsoo. Waa waa bola dɛ kpɔ di Yeesu danseɛ laanee nɔ.

Amanesoma Jɔn Aa Chwera Tɔn 1:4

Korowii Nyoa Wobol la bee Korowii mkpa do, asɛ ɡɛ mkpa nɔ ɡe ɛ kɛŋɔ nii dɛɛ chaah nɛwɛnyini sie.

Amanesoma Jɔn Aa Chwera Tɔn 10:28

asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.

Amanesoma Jɔn Aa Chwera Tɔn 12:50

N jemɔ kɛŋɔ o waa la dɛ́ tɛ mkpa aa wola jaɡa dɔe, anomanta, anɔ la waa bol n be laanee n ɡee bol.”

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 19:35

Naate waa di waa nɔ danseɛ la naa siwi ne, dɛ jemɛ kɛŋɔ kasinteŋii, dɛɛ bola ásɛ he ɡe no dɛ́ yarada.

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Amanesoma Jɔn Aa Chwera Tɔn 4:36

Nɛn waa komɛ kwaa dɛɛ tɛ Korowii la dɛ dɔ o kembɔr. Nɛwɛnyinaa naate ɛɛ komɛ, dɛɛ lɛɛ ba ásɛ ba dɔ Korowii mkpa aa wola jaɡa dɔe bwa la, ásɛ naate ne nɛn waa dua la bwa sie lɛ.

Amanesoma Jɔn Aa Chwera Tɔn 4:4

Dɛ Samaria harɛ taa chɛ kɛ o kpɔ dɛ́ won kaa Galilia harɛ ta.

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 5:26

Gɛ Korowii aa dɔ mkpa dɛɛ tɛ la, ɡɛɛ o ɡel o Bie la ɡe dɔ mkpa dɛɛ tɛ,

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

Amanesoma Jɔn Aa Chwera Tɔn 6:47

Kasinteŋ, n dɛ ŋɔ he be, nomɛlbwa waa yarada mɛ la dɔ mkpa aa wola jaɡa dɔe.

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

1 Timoti 1:16

Kɛ Korowii sune n nɛ, asɛ Yeesu Kristo dɔ bambile tɛ mɛ n wechɔɡa damanta nɔ bwa ta, ásɛ nɛra baa ba no Korowii waa dɛ yaradao la jemɛ ɡɛ Yeesu aa dɔ bambile kohona, dɛ́ won yaradao dɛ́ dɔ o mkpa aa wola jaɡa dɔe la.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

1 Jɔn 4:10

Anɔɔ dɛɛ baɡle ɡɛ nyina tenten aa doa. Ya te nyina yaa dɛ nyin Korowii la aa bobɛlbwa tel, kɛ o ɡe ɡarɔ dɛɛ nyin yaa. Hé na ɡɛ Korowii aa ɡela o Bibeŋkpoŋ la koh ya wechɔɡa waa dɛ ba harɛ nɔ ta, dɛ sewɛ dɛ kwaa ya ne Korowii baah.

1 Jɔn 4:9

Kenii o baɡle o nyina waa dɛ nyin yaa. O ɡelɔ o bibeŋkpoŋ la ba harɛ nɔ ta, ásɛ ya che o nɛɛ dɛ́ dɔ mkpa.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

1 Jɔn 5:7

Kombele atoroo di danseɛ dɛɛ tɛ Yeesu.

3 Jɔn 1:12

Gasi toole Demetreɔs ɡe nɛ. Nomɛlbwa dɛ bol o waa ɡa. Kasinteŋ la waa dɛ teŋɛ o ta la ɡe dɛ diu danseɛ. Ya ɡba dɛ diu danseɛ ɡɛ. He jemɔ kɛŋɔ yaa nyosone teŋe.

Tɔn Jud Aa Chwera 1:21

Korowii dɛ nyin heya, anomanta, hɛ́ɛ pɛlo, dɛ́ɛ kpa ya Dɔɔ Yeesu Kristo waa dɛ sune nɛra nɛɛ la, ásɛ o tɛ heyaa mkpa aa wola jaɡa dɔe.

Wepila 1:2

Jɔn baɡle waa waa naa bwa. Korowii waa ne Yeesu Kristo webaɡla ne waa waa naa dɛ no bwaa o chwerɛ.

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,