1 Jɔn 5:10 - mzwDBL

¹⁰ Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

1 Jɔn 5:10 Iomraidhean Croise

Job Tɔn 24:25

Dɛ ɡɛ laa aa, umee dɛ won ŋɔ n teŋe nyosone, dɛ́ baɡle kɛ ɡɛ laa waa la doɔ?”

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Sɛɡla 3:32

Korowii kii nɛn o ŋwɛnɛre aa ɡola, o dɔ hwɛɡa tɛ nɛn o wa aa toɡra, dɛɛ bol o waa o be.

Aesaya 53:1

Anee nɛra la chaŋe ŋɔ, “Umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Amanesoma Jɔn Aa Chwera Tɔn 3:18

Nomɛlbwa waa yarada n waa la, Korowii aa o waa bol á ba ɛ kɛ wɛɛ di bolchɔɡee. Kɛ nomɛlbwa waa wola n waa yaradae la, Korowii pao bolchɔɡe tonɛ, dɛkalkɛŋɔ o ta o Bibeŋkpoŋ la waa yaradae.

Amanesoma Jɔn Aa Chwera Tɔn 3:33

Nomɛlbwa sɛh Korowii wa aa, o ɡbaɡba wono dɛɛ jemɛ kɛ Korowii waa dɔ kasinteŋ.

Amanesoma Jɔn Aa Chwera Tɔn 5:38

he ta o waa la ɡe kpɔe do he bambile bini, dɛkalkɛ he ta nɛn waa tomɔ he be la yaradae.

We-ɛɛla 8:37

Asɛ Felep ŋɔ, “Dɛ he yarada Yeesu Kristo waa bambile bwa ne naa, mɛɛ sɔe a nee.” Anee nomoa la ŋɔ, “N yaradao. N yaradao kɛŋɔ Korowii Biee Yeesu Kristo.”

Tɔn Pɔɔl Aa Chwerɛ Rom Tena 8:16

Korowii Domadɛɛɡee yon ɡel ya jemɛ ya bambile bini kɛŋɔ Korowii biirii yaa.

Galaasia 4:1

N waa maa dɛ nyin ń bol laanee kɛŋɔ nɛnjen biee dɛɛ so o mɛɛ buɡ ta dɛɛ di o kwaa bwa te, kɛ o taa ɛ bechala la te, o ne ba dem nɛndɔɔla ɡba waa beŋkpoŋ. Kɛ on ɡee dɔ o mɛɛ kwaa bwa.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Kolosi 3:3

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

1 Jɔn 1:10

Dɛ ya ŋɔ ya ta wechɔɡa ɛɛ te naa, dɛ ya yerɛ Korowii nyosonteŋni. O waa la ɡe toole ya bini.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

Wepila 12:17

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 2:28

dɛ́ tɛo chɔmbibi wewee la.