1 Jɔn 5:1 - mzwDBL

¹ Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

1 Jɔn 5:1 Iomraidhean Croise

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Amanesoma Luk Aa Chwera Tɔn 7:5

dɛkalkɛ o dɛ nyin ya Juu tena wa, hale o do cheremi dea tɛ yaa kwara.”

Amanesoma Jɔn Aa Chwera Tɔn 1:3

O nɛɛ Korowii che dɛ ta komɛlbwa. Kontaale bɛlbwa toole waa wola o nɛɛ cheɡɛ dɛ tao.

Amanesoma Jɔn Aa Chwera Tɔn 15:23

Bɛlbwa waa hah mɛ la, dɛ o hah n Mɛɛ la ɡe.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 8:37

Asɛ Felep ŋɔ, “Dɛ he yarada Yeesu Kristo waa bambile bwa ne naa, mɛɛ sɔe a nee.” Anee nomoa la ŋɔ, “N yaradao. N yaradao kɛŋɔ Korowii Biee Yeesu Kristo.”

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

1 Jɔn 2:10

Nomɛlbwa waa dɛ nyin o dɔŋ la do kɛŋɔ nɛn waa lɔ bochaah ta. Bochaah la nomanta, komɛlbwa toole dɛ́ ɡel ó lɔ nakpala dɛ́ chole.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

1 Jɔn 3:14

Ya jemɔ kɛŋɔ ya le seo nɔn ta dɛ ba dɔ mkpa, dɛkalkɛ ya dɛ nyin dɔŋa. Nomɛlbwa waa wola o dɔŋ nyin la ta lɔ seo nɔn ta.

1 Jɔn 3:17

Dɛ nomɛl dɔ harɛ nɔ ta kwaa bwa, dɛ na o dɔŋ waa nyaa, dɛ laa sie kpɔ o nɛ aa, amɔ dɛ o dɛ nyin Korowii aa?

1 Jɔn 3:9

Nomɛlbwa waa ɛ Korowii bie la aa teŋɛ dɛɛ ɛ wechɔɡa kpa, dɛkalkɛ o ɛ Korowii dwee. Anomanta, waa won teŋɛ dɛɛ ɛ wechɔɡa kpa, dɛkalkɛ o mɛɛɛ Korowii.

1 Jɔn 4:2

Ŋwɛnɛ nɔ taa hɛɛ ba cheɡa, dɛ́ jemɛ nɛra baa dɔ Korowii Domadɛɛɡe la. Nomɛlbwa waa dɛ baɡle Yeesu waa ɛ Kristo Korowii aa tomɔ ó ba lɛ yaa la waa kɛŋɔ o baa ɛ nɛwɛnyini la, o dɔ Domadɛɛɡe waa le Korowii be la.

1 Jɔn 4:20

Dɛ nomɛl hah o dɔŋ dɛ ŋɔ o dɛ nyin Korowii aa, dɛ o teŋe nyosone. Dɛ nomɛl aa o dɔŋ o ne waa pɛa wɛɛ nao la nyin aa, ɛrɛɛ ó ɛ dɛ won nyin Korowii waa wola on na nɔ?

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.

1 Jɔn 5:18

Ya jemɔ kɛ nomɛlbwa waa ɛ Korowii bie la aa teŋɛ dɛɛ ɛ wechɔɡa, dɛkalkɛ Korowii Bie la dɛ nyiŋi naate nɛɛ ásɛ Bɔnsam bɛ won ɛo wobɛlbwa.

1 Jɔn 5:4

dɛkalkɛ nomɛlbwa waa ɛ Korowii bie la won harɛ nɔ ta liire ne o komɛlbwa nɛɛ pɔe. Ya cheɡɛ yarada yaa dɛ yarada Yeesu la ta dɛ pɔ a nɛ.

1 Jɔn 5:5

Umee dɛ́ won pɔ harɛ nɔ ta liire ne o komɛlbwa nɛɔ? Nomɛlbwa toole, atane kɛŋɔ naate waa dɛ yarada kɛ Yeesu ɛ Korowii Bie la ɡbosoroo.