1 Jɔn 4:8 - mzwDBL

⁸ Nomɛlbwa waa wola nɛn nyin la aa Korowii jemɛ, dɛkalkɛ Korowiirii nyina bwa Dɔɔ.

1 Jɔn 4:8 Iomraidhean Croise

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

Ɛfesos 2:4

Kɛ Korowii nyina waa dɛ nyin yaa kohona, ne suna o yon dɛɛ sune ya nɛɛ kɛrɛdɛ la nomanta,

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

1 Jɔn 1:5

Waa yaa noa le Yeesu be dɛɛ bol he be laanee kɛŋɔ, Korowii do kɛŋɔ kon waa chaahna ken. Wechɔɡa bɛlbwa toole o nɛ.

1 Jɔn 2:4

Dɛ nomɛlbwa ŋɔ o jemɛ Korowii, dɛ waa o waa ta teŋaa, ɡɛ nɛn la ɛ nyosonteŋni, dɛ kasinteŋ toole o be.

1 Jɔn 2:9

Nomɛlbwa waa ŋɔa o lɔ bochaah ta, kɛ dɛ hah o dɔŋ la, naate ta lɔ biro tenten ta.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 3:6

Anomanta, nomɛlbwa waa kpɔ o te pɛl Yeesu Kristo la aa berɛ teŋɛ dɛɛ ɛ wechɔɡa kpa. Nomɛlbwa o taa teŋa dɛɛ ɛ wechɔɡa la, naate ta on pesee dɛ jemɔ.

1 Jɔn 4:16

Anomanta, ya ɡbabir jemɔ kɛŋɔ Korowii dɛ nyin yaa, dɛ kpɔ siwi dawɛ o nyina la nɛ. Korowiirii nyina bwa Dɔɔ. Nomɛlbwa waa dɛ nyin nɛn la, o kpɔ o te dɛɛ pɛl Korowii, asɛ o lawɔ dɛɛ pɛl o nɛ.

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.