1 Jɔn 4:21 - mzwDBL

²¹ Waa Yeesu Kristo aa kpɔa tɛ yaa laanee nɔ. Nomɛlbwa waa dɛ nyin Korowii la, a chɛ kɛŋɔ ó nyin o dɔŋ ɡe.

1 Jɔn 4:21 Iomraidhean Croise

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Matiu 5:43

He noɔ kɛ ba fa aa ŋɔa ŋɔ, ‘Hé nyin he daamanar dɛ́ hah he dɔma.’

Amanesoma Luk Aa Chwera Tɔn 10:37

Belaa Tɔnjereme la chaŋe ŋɔ, “Onɔ la waa na o sum dɛ nyiŋu laanee.” Anee Yeesu ŋɔ o be ŋɔ, “Kaa dɛ kaa ɛ ɡɛ tenten.”

Amanesoma Jɔn Aa Chwera Tɔn 15:12

Waa maa kpɔa tɛ heyaa laanee la. Hɛ́ɛ nyin dɔŋa ɡɛ maa dɛ nyin heyaa la.

Galaasia 5:14

Maa dɛ ŋɔ nɔ, webeŋkpoŋ bɛl lole dɛ he dɛ ɛ aa, dɛ he tonɛ Mosis Mmara la bwa. Onee kɛŋɔ, “Nyin he dɔŋ kɛ he ɡbaɡba.”

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

1 Tesalonika 4:9

Too. Ane ɡee la. A ta hiaih kɛ ya berɛ baɡle heyaa dɔŋa nyina waa kpa, dɛkalkɛŋɔ Korowii baɡle heyaa ŋɔ hé nyin dɔŋa.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

1 Jɔn 2:7

Yabala, waa nɔ maa dɛ chwerɛ heyaa nɔ ta wefala ɛɛ. Webena la yaa baɡle heyaa le mumpar la, anee ta.

1 Jɔn 3:11

Waa haa noa le mumpar laanee kɛŋɔ a chɛ kɛŋɔ yá nyin dɔŋa.

1 Jɔn 3:14

Ya jemɔ kɛŋɔ ya le seo nɔn ta dɛ ba dɔ mkpa, dɛkalkɛ ya dɛ nyin dɔŋa. Nomɛlbwa waa wola o dɔŋ nyin la ta lɔ seo nɔn ta.

1 Jɔn 3:18

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

1 Jɔn 4:11

Yabala, dɛ kenii Korowii ɛɛ nyin yaa te naa, amɔ a chɛ kɛŋɔ yá nyin dɔŋa.