1 Jɔn 4:2 - mzwDBL

² Ŋwɛnɛ nɔ taa hɛɛ ba cheɡa, dɛ́ jemɛ nɛra baa dɔ Korowii Domadɛɛɡe la. Nomɛlbwa waa dɛ baɡle Yeesu waa ɛ Kristo Korowii aa tomɔ ó ba lɛ yaa la waa kɛŋɔ o baa ɛ nɛwɛnyini la, o dɔ Domadɛɛɡe waa le Korowii be la.

1 Jɔn 4:2 Iomraidhean Croise

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

1 Jɔn 1:2

O fa lɔ Korowii be dɛ berɛ ba ɛ nɛn, asɛ ya nao. Anomanta, ya dɛ bol o waa he be kɛŋɔ Yeesu Kristo waa ɛ saŋ bɛlbwa mkpa dɛ faa do o Mɛɛ be la, o ba ya be ya jemɔ.

1 Jɔn 2:23

Nomɛlbwa waa dɛ tɔŋle kɛŋɔ Yeesu Kristo laa Korowii Bie la, waa won yerɛ Korowii o Mɛɛ. Gɛɛ a do, nomɛlbwa waa sɛah ŋɔ Yeesuu Korowii Bie la, o Mɛɛɛ Korowii.

1 Jɔn 4:15

Nomɛlbwa waa yarada Yeesu kɛŋɔ Korowii Biee on la, dɛ naate kpɔ o te pɛl Korowii, asɛ o ɡe lawɔ pɛl o te.

1 Jɔn 4:3

Nomɛlbwa waa dɛ tɔŋle Yeesu nɛwɛnyini ɛɛ la ta Domadɛɛɡe la dɔe le Korowii be. Kpeɡri naate aa dɔa la le Yeesu Kristo dɔm tenten la be. He noɔ kɛ wɛɛ bao. Taraken, on bala la.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.