1 Jɔn 4:18 - mzwDBL

¹⁸ Nɛn dɛ nyin o dɔŋ aa, waa ɡɛ Korowii aa dɛ tɛr nɛra deŋne ɔmɛ. Nyina waa ɛ nyina tenten la dɛ doŋi ɔmee. Deŋne tɛra waa nɛn ɛɛ ɔmɛ Korowii. Anomanta, naate waa dɛ ɔmɛ la ta nyina tenten dɔe o be.

1 Jɔn 4:18 Iomraidhean Croise

Job Tɔn 15:21

Ɔmewa ɛɛ chole ba deŋna taa, ɡɛ saŋ baa ŋɔ ba soɡe deŋnesɔɔhna ta, ŋwɛɛra den lɔ ba tɔ ba nɛ.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 73:19

Ba chɔɡɔ buɡ la ta, dɛ sewɛ seo wɔb.

Matiu 9:34

Anee Farisii tena la te ŋɔ, “Kwaa aa dɛ ir nɛra nɛɛ bwa kooroo tɛo kpeɡri o won kwaa doŋa nɛra nɛɛ la.”

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

2 Timoti 1:7

dɛkalkɛ Korowii Doma waa kpɔa tɛ yaa la ta ɡelɛ ya ɛ ɔmeera. O ɡelɔ ya dɔ kpeɡri, dɛ dɔ dɔŋa nyina, dɛ won ya te lawa.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Jems 2:19

He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.

1 Jɔn 4:12

Nomɛlbwa ta Korowii nae ka. Kɛ dɛ ya dɛ nyin dɔŋa aa, anee Korowii ɛɛ ba yaa lawɛ pɛl o nɛ, ásɛ o nyina la do ya be kɛrɛdɛ ka tonɛ.