1 Jɔn 4:15 - mzwDBL

¹⁵ Nomɛlbwa waa yarada Yeesu kɛŋɔ Korowii Biee on la, dɛ naate kpɔ o te pɛl Korowii, asɛ o ɡe lawɔ pɛl o te.

1 Jɔn 4:15 Iomraidhean Croise

Matiu 10:32

Nomɛlbwa waa won che nɛra baah ta, dɛ́ sɛh ŋɔ o ja n nɛɛ la, ɡɛɛ n ɡee ba naate sɔn yera n Mɛɛ waa lɔ nyundua la sie kɛ o ja n nɛ.

Amanesoma Luk Aa Chwera Tɔn 12:8

Hé ɡel ń ŋɔ he be, nomɛlbwa waa won che nɛra baah ta dɛ́ sɛh ŋɔ o ja n nɛɛ la, awola Korowii aa ba dɛ ba bol nɛra bwa waa dɛ́ pa bole la, Men Nɛn Bie la ɡee yerɛ naate sɔn nyundua toroma siee kɛ o ja n nɛ.

Amanesoma Jɔn Aa Chwera Tɔn 6:56

Nomɛlbwa waa di n bo-ol asɛ dɛ nyɔ n chal la, n ne wɛɛ ɛ beŋkpoŋii, waa wola won daɡre o te n nɛɛ kpa.

We-ɛɛla 8:37

Asɛ Felep ŋɔ, “Dɛ he yarada Yeesu Kristo waa bambile bwa ne naa, mɛɛ sɔe a nee.” Anee nomoa la ŋɔ, “N yaradao. N yaradao kɛŋɔ Korowii Biee Yeesu Kristo.”

Tɔn Pɔɔl Aa Chwerɛ Rom Tena 10:9

Dɛ he nɛn kpɔ nyoa ŋɔ komɛlbwa Dɔɔree Yeesu, dɛ yarada he bambile bini kɛŋɔ Korowii iru seo ta naa, Korowii ɛɛ lɛɛ,

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

1 Jɔn 2:23

Nomɛlbwa waa dɛ tɔŋle kɛŋɔ Yeesu Kristo laa Korowii Bie la, waa won yerɛ Korowii o Mɛɛ. Gɛɛ a do, nomɛlbwa waa sɛah ŋɔ Yeesuu Korowii Bie la, o Mɛɛɛ Korowii.

1 Jɔn 2:24

Hé kpoŋe anɔ la haa noa dɛ le mumpar la bini. Dɛ he ɛ ɡɛ naa, saŋ bɛlbwa he ne Yeesu ne o Mɛɛ bwa ɛɛ wonoo pɛ bá kpoŋe heya.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

1 Jɔn 3:24

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.

1 Jɔn 4:12

Nomɛlbwa ta Korowii nae ka. Kɛ dɛ ya dɛ nyin dɔŋa aa, anee Korowii ɛɛ ba yaa lawɛ pɛl o nɛ, ásɛ o nyina la do ya be kɛrɛdɛ ka tonɛ.

1 Jɔn 4:2

Ŋwɛnɛ nɔ taa hɛɛ ba cheɡa, dɛ́ jemɛ nɛra baa dɔ Korowii Domadɛɛɡe la. Nomɛlbwa waa dɛ baɡle Yeesu waa ɛ Kristo Korowii aa tomɔ ó ba lɛ yaa la waa kɛŋɔ o baa ɛ nɛwɛnyini la, o dɔ Domadɛɛɡe waa le Korowii be la.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

1 Jɔn 5:5

Umee dɛ́ won pɔ harɛ nɔ ta liire ne o komɛlbwa nɛɔ? Nomɛlbwa toole, atane kɛŋɔ naate waa dɛ yarada kɛ Yeesu ɛ Korowii Bie la ɡbosoroo.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.