1 Jɔn 3:9 - mzwDBL

⁹ Nomɛlbwa waa ɛ Korowii bie la aa teŋɛ dɛɛ ɛ wechɔɡa kpa, dɛkalkɛ o ɛ Korowii dwee. Anomanta, waa won teŋɛ dɛɛ ɛ wechɔɡa kpa, dɛkalkɛ o mɛɛɛ Korowii.

1 Jɔn 3:9 Iomraidhean Croise

Job Tɔn 19:28

Dɛ he ŋɔ, ‘Ŋwɛnɛ besoo taa yaa ba wona ɡel o bwara nyɛɡo wɔ?’ Hé dɛ nyin ŋwɛnɛ haa kpɔ o ta dɛ́ ha mɛ.

Yela 119:3

Baa wechɔɡa bɛlbwa ɛ, ba dɛ valɛ o ŋwɛnɛre waa baɡla la ta.

Lewi Dea Tena 11:37

Dɛ kon la lale leɡe kondwee aa, dɛ a ta wer, doŋa bɛlbwa toole a ta.

Matiu 7:18

Dadɛɛɡe aa won nɔnɛ nɔnchɔɡa, ɡɛɛ dachɔɡe ɡe aa wola won nɔnɛ nɔndɛɛɡa.

Amanesoma Jɔn Aa Chwera Tɔn 1:13

Ŋwɛnɛ nɛwɛnyini aa cheɡɛ o ta dɛɛ lolɛ bii la, kɛɛ nɛwɛnyini pɛla, kɛɛ nɛwɛnyini tetoora ta laa ba lol ba ba ɛ Korowii bii. Korowii kpeɡri taa a che ba berɛ o bii.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

1 Jɔn 3:6

Anomanta, nomɛlbwa waa kpɔ o te pɛl Yeesu Kristo la aa berɛ teŋɛ dɛɛ ɛ wechɔɡa kpa. Nomɛlbwa o taa teŋa dɛɛ ɛ wechɔɡa la, naate ta on pesee dɛ jemɔ.

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

1 Jɔn 5:18

Ya jemɔ kɛ nomɛlbwa waa ɛ Korowii bie la aa teŋɛ dɛɛ ɛ wechɔɡa, dɛkalkɛ Korowii Bie la dɛ nyiŋi naate nɛɛ ásɛ Bɔnsam bɛ won ɛo wobɛlbwa.

1 Jɔn 5:4

dɛkalkɛ nomɛlbwa waa ɛ Korowii bie la won harɛ nɔ ta liire ne o komɛlbwa nɛɛ pɔe. Ya cheɡɛ yarada yaa dɛ yarada Yeesu la ta dɛ pɔ a nɛ.

3 Jɔn 1:11

N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.