1 Jɔn 3:4 - mzwDBL

⁴ Nomɛlbwa waa dɛ ɛ wechɔɡa la di bolchɔɡe Korowii Mmara ta, dɛkalkɛ wechɔɡaa dɛɛ koni Mmara.

1 Jɔn 3:4 Iomraidhean Croise

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

1 Webena 10:13

Kooro Sɔɔl kasinteŋ bɛ dɔe dɛ tɛ Korowii waa o sewɛ. O ta Korowii waa ta teŋɛ, hale dɛ ka bɔɔ dɛɛ le nɛn waa dɛ yerɛ lala be, ó baɡlo waa waa ɛ,

2 Webena 24:20

Belaa Korowii Doma ba so sɔfo Jehoiada bibaa Sekaria nɛ, asɛ o ka che nɛra la sie dɛ ŋɔ, “Waa Korowii aa dɛ bol he be laanee nɔ, ‘Ɛrɛɛ he vɛh n waa maa do heyaa a ta nɔɔ? He wobɛlbwa aa werii do tɛ heyaa bwa. Haa vɛh mɛ nomanta, n ɡe vɛh heya.’ ”

Aesaya 53:8

Ba lawɔ dɛ vɛh o waa dii dɛ tɛo aŋwɛnɛ ta, dɛ kpoo. Waa dɔa sewɛ la, umee dɛ́ won baɡle o naanar waa kpaɔ? N nɛra wechɔɡa waa ba kpoo.

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Nɛra Kura 15:31

Waa ɛ Korowii nɛnhɛla dɛ chɔɡ o Mmarare nomanta, naate ta chɛ kɛ bá kuro ja o nɛra bini kpa. O wechɔɡa dawɛ o nɛ.”

Matiu 5:19

Anomanta, naate waa berɛ Mmara la bini onjeɡa bɛlbwa dɛ́ berɛ chaɡle bane ɡe bá ɛ ɡɛ la, waa bɔr dɔe ba Korowii Kora bini. Naate ɡe waa dɛ teŋɛ Mmara la ta, dɛ́ chaɡle bane ɡe baa ɛ ɡɛ la, wɛɛ dɔ nomonsoŋnibɔree Korowii Kora bini.

We-ɛɛla 23:3

Belaa Pɔɔl ŋɔ, “Korowii ɛɛ lɔe bɔ kem, nɛra sie ta ɡboo he ɛ nɛndɛɛɡe kɛŋɔ dekɔɔh baa lɔɔ fula. Haa chema nɔ, ɡɛ Mmara aa chaɡla laa hɛɛ ba nyiŋa dɛ́ bol n wa aa? Aah dɛ haa ŋɔa bá lɔɔ mɛ nɔ, dɛ Mmara tɛ ŋwɛnɛ ɡɛ naa?”

Tɔn Pɔɔl Aa Chwerɛ Rom Tena 3:20

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.

1 Jɔn 5:17

Waa aa wola were bwa ɛ wechɔɡa, kɛ wechɔɡa bwa laa ɛ seo wechɔɡa.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.