1 Jɔn 3:13 - mzwDBL

¹³ Yabala, dɛ nɛra baa dɔ harɛ nɔ ta ɡbo liire hah heya aa, he bɛ ɡel a ɛ heyaa nyokpoa.

1 Jɔn 3:13 Iomraidhean Croise

Sɛɡla 29:27

Gɛ nɛndɛɛɡe aa hah nɛn o wa aa wola kasinteŋ dɔe la, ɡɛɛ nɛnchɔɡe ɡe hah nɛn o wa aa toɡra.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Amanesoma Mak Aa Chwera Tɔn 13:13

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Amanesoma Luk Aa Chwera Tɔn 21:17

Nomɛlbwa ɛɛ koh n waa hah heya.

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Amanesoma Jɔn Aa Chwera Tɔn 3:7

He bɛ ɡel waa maa bola ŋɔ a chɛ kɛ ba berɛ lolɛ heyaa la kpo he nyoa.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

We-ɛɛla 3:12

Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ?

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

2 Timoti 3:12

Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

Wepila 17:7

Nyundua torome la pɛɛ mɛ ŋɔ, “Ɛrɛɛ he nyoa kpo nɔɔ? Mɛɛ pili haah nɔ ne olchɔɡe la waa soɡe o ta o dɔ nyuune anuanɛ ne nyeɡlare fi la waane aa sɔah binii baɡle.