1 Jɔn 3:10 - mzwDBL

¹⁰ Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 3:10 Iomraidhean Croise

2 Samoɛl 13:22

Absalɔm ɡe ta wedɛɛɡe kɛɛ wechɔɡe bɛlbwa bolɛ baɡle Amnɔn, kɛ dɛ o waa lɔ o bini o haoh, dɛkalkɛ o ɡelɔ sihiih kpo o nimambihaah Taama.

Matiu 13:38

Harɛ ta bonɔɔ ɛ koo la. Mea tenten laanee nɛra baa ja Korowii Kora la ta la, asɛ kpɔɡchɔɡa la ɡe che tɛ nɛra baa lɔ Bɔnsam be pera.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Amanesoma Jɔn Aa Chwera Tɔn 1:12

Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.

Amanesoma Jɔn Aa Chwera Tɔn 11:52

Juu tena ɡbo laa. Ba ne Korowii nɛra baa lɔ bobɛlbwa la bwa sewee wɛɛ ba lɛɛ sewɛ dɛ́ lawɛ ba bwa pɛ, ásɛ ba ɛ beŋkpoŋ.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

Tɔn Pɔɔl Aa Chwerɛ Rom Tena 13:8

He bɛ kem di wobɛlbwa ta a chɔ le kpa heyaa ka ja dɔŋa nyina ta. A ɡboo ɛ kem aa chɛ kɛ he di. Nomɛlbwa waa wona dɛɛ nyin o dɔŋ la, o tonɛ Korowii Mmara la bwa.

Ɛfesos 5:1

He ɛ Korowii bii waa dɛ nyin heya, anomanta, hé chaaro dɛ́ kpɔ o da.

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

1 Jɔn 4:21

Waa Yeesu Kristo aa kpɔa tɛ yaa laanee nɔ. Nomɛlbwa waa dɛ nyin Korowii la, a chɛ kɛŋɔ ó nyin o dɔŋ ɡe.

1 Jɔn 4:6

Ya te ɛ Korowii bii. Nomɛlbwa waa jemɛ Korowii la dɛ no ya wa. Nomɛlbwa waa wola Korowii jemɛ la aa ya waa no. Anɔ taa yaa ba cheɡa dɛ́ jemɛ banɔ la baa dɔ kasinteŋ Doma waa ɛ Korowii kon ne banɔ la baa dɔ nyosone kon la.

1 Jɔn 4:8

Nomɛlbwa waa wola nɛn nyin la aa Korowii jemɛ, dɛkalkɛ Korowiirii nyina bwa Dɔɔ.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

1 Jɔn 5:2

Dɛ ya dɛ nyin Korowii dɛɛ teŋɛ o waa ta naa, a taa ya jemɛ kɛŋɔ ya dɛ nyin o bii.

3 Jɔn 1:11

N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.