1 Jɔn 2:7 - mzwDBL

⁷ Yabala, waa nɔ maa dɛ chwerɛ heyaa nɔ ta wefala ɛɛ. Webena la yaa baɡle heyaa le mumpar la, anee ta.

1 Jɔn 2:7 Iomraidhean Croise

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Matiu 5:43

He noɔ kɛ ba fa aa ŋɔa ŋɔ, ‘Hé nyin he daamanar dɛ́ hah he dɔma.’

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

We-ɛɛla 17:19

Anomanta, ba kpɔ Pɔɔl kaa bela nomonome baa dɛ yer ba Areɔpaɡos tena la, dɛ ka ŋɔ o be ŋɔ, “Baɡle he wefala haa kpoŋa dɛɛ ɡaaɡe la bini yá no.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Hibru 6:9

N dandɛɛɡa, yaa dɛ bol anɔ bwa nɔ, he te la, he wa aa yaa ɡwaŋɛ. Ya jemɔ kɛ he we-ɛɛla ɛɛ do werii a baɡle kɛŋɔ Korowii lɛ heya.

1 Jɔn 2:24

Hé kpoŋe anɔ la haa noa dɛ le mumpar la bini. Dɛ he ɛ ɡɛ naa, saŋ bɛlbwa he ne Yeesu ne o Mɛɛ bwa ɛɛ wonoo pɛ bá kpoŋe heya.

1 Jɔn 3:11

Waa haa noa le mumpar laanee kɛŋɔ a chɛ kɛŋɔ yá nyin dɔŋa.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

1 Jɔn 3:21

Anomanta, yabala, dɛ ya liire aa yaa bolchɔɡe pa te naa, amɔ ya dɔ bambile dɛ che Korowii sie, yaa wola ɔmɛ.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

1 Jɔn 4:11

Yabala, dɛ kenii Korowii ɛɛ nyin yaa te naa, amɔ a chɛ kɛŋɔ yá nyin dɔŋa.

1 Jɔn 4:21

Waa Yeesu Kristo aa kpɔa tɛ yaa laanee nɔ. Nomɛlbwa waa dɛ nyin Korowii la, a chɛ kɛŋɔ ó nyin o dɔŋ ɡe.

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.