1 Jɔn 2:5 - mzwDBL

⁵ Nomɛlbwa waa dɛ teŋɛ Korowii waa ta la, onee dɛɛ nyin Korowii waa kɛrɛdɛ. Anɔ taa yaa ba cheɡa dɛ́ jemɛ kɛ ya ne Korowii pɛo.

1 Jɔn 2:5 Iomraidhean Croise

Yela 105:45

ɡɛ aa ɛ ásɛ baa teŋɛ o Mmarare, ne waa waa do ba a ta la ta. Hé kpɛɛ Korowii!

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Yela 119:146

N wio dɛɛ yerɛ. Lɛɛ mɛ, ásɛ mɛɛ teŋɛ he Mmarare ta.

Yela 119:2

Nɛra baa dɛ nyin o waa dɛɛ teŋɛ a ta bambile bwa ne la, ba na som.

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Sɛɡla 28:7

Biwejeremee dɛɛ teŋɛ Mmara ta, kɛ onɔ la o ne nɛnsale aa dɛ valɛ la te, kpɔ sihiih dɛɛ kpo o mɛɛ.

Sɛɡla 8:32

N bii, name hé no n be, nomɛlbwa waa dɛ teŋɛ n waa ta la, o na som.

Wejereme 8:5

Nomɛlbwa waa no o waa waa dɛ bol la, aa wahalaa na, kɛ wejereme te ɛɛ won jemɛ saŋ waa wera ne ɡɛ waa ɛ.

Ɛsekeɛl 36:27

Mɛɛ kpɔ n domaa ba so he nɛ, ásɛ hɛɛ teŋɛ me Mmarare, ne waa maa baɡle heyaa la ta kɛrɛdɛ.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Amanesoma Jɔn Aa Chwera Tɔn 6:56

Nomɛlbwa waa di n bo-ol asɛ dɛ nyɔ n chal la, n ne wɛɛ ɛ beŋkpoŋii, waa wola won daɡre o te n nɛɛ kpa.

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Jems 2:22

He ta nae kɛŋɔ o yarada ne o wedɛɛɡa ɛɛ bwa aa pɛ aa? O wedɛɛɡa ɛɛ taa a che o yarada ɛ yarada kasinteŋ.

1 Jɔn 3:24

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.

1 Jɔn 4:17

Waa lawɛ yaa pɛl o nɛɛ la, a taa a che nyina la do ya nɛɛ kɛrɛdɛ ka tonɛ, asɛ ya dɔ hwɛɡa awola Yeesu aa ba, dɛ́ ba bol nɛndɛɛɡa ne wechɔɡ-ɛɛra bwa waa dɛ́ pa bole la. Yaa Yeesu bala waa ɔmɛ, dɛkalkɛ ɡɛ o da aa doa la, ɡɛ tentenee ya ɡe do nɛra baa dɔ harɛ nɔ ta ɡbo liire bini.

1 Jɔn 4:18

Nɛn dɛ nyin o dɔŋ aa, waa ɡɛ Korowii aa dɛ tɛr nɛra deŋne ɔmɛ. Nyina waa ɛ nyina tenten la dɛ doŋi ɔmee. Deŋne tɛra waa nɛn ɛɛ ɔmɛ Korowii. Anomanta, naate waa dɛ ɔmɛ la ta nyina tenten dɔe o be.

1 Jɔn 5:2

Dɛ ya dɛ nyin Korowii dɛɛ teŋɛ o waa ta naa, a taa ya jemɛ kɛŋɔ ya dɛ nyin o bii.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

2 Jɔn 1:6

Dɛ ya dɛ nyin dɔŋa aa, dɛ ya dɛ teŋɛ o waa la ta. O waa laanee kɛŋɔ dɔŋa nyina, ɡɛ haa noa loɡla la. Anomanta, hɛ́ɛ ɛ he wobɛlbwa dɔŋa nyina ta.

Wepila 12:17

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

Wepila 14:12

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.