1 Jɔn 2:10 - mzwDBL

¹⁰ Nomɛlbwa waa dɛ nyin o dɔŋ la do kɛŋɔ nɛn waa lɔ bochaah ta. Bochaah la nomanta, komɛlbwa toole dɛ́ ɡel ó lɔ nakpala dɛ́ chole.

1 Jɔn 2:10 Iomraidhean Croise

Yela 119:165

Nɛra baa dɛ nyin he Mmarare la, dɛ dɔ deŋnesɔɔhna kohona, komɛlbwa aa won ɡel ba lɔ na.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 13:21

Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

Amanesoma Jɔn Aa Chwera Tɔn 11:9

Anee o chaŋe ŋɔ, “Le chɔɔ wee aa le ka tel jɔmɔra wee aa jo la, dɔŋhwere fi dɛ anɛ laa aa? Dɛ bɔr chaahnɔ nɛn ɛɛ valaa, waa naa lɔ bwa, dɛkalkɛ wee leɔ bɔr chaah.

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

Amanesoma Jɔn Aa Chwera Tɔn 8:31

Asɛ o ŋɔ Juu tena baa yaradao la be ŋɔ, “Dɛ he ɡelɔ n waa maa baɡle heyaa la do he bambile bini hɛɛ teŋɛ a ta te naa, dɛ he ɛ n habɔteŋra kpela,

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

1 Jɔn 2:11

Nomɛlbwa waa hah o dɔŋ la do kɛŋɔ nɛn waa lɔ biro ta. O dɛ valɛ, kɛ waa jemɛ bela waa dɛ kaa, dɛkalkɛŋɔ biro la ɡelɔ o nyoŋe.

1 Jɔn 3:14

Ya jemɔ kɛŋɔ ya le seo nɔn ta dɛ ba dɔ mkpa, dɛkalkɛ ya dɛ nyin dɔŋa. Nomɛlbwa waa wola o dɔŋ nyin la ta lɔ seo nɔn ta.