1 Jɔn 1:8 - mzwDBL

⁸ Dɛ ya ŋɔ wechɔɡa toole ya nɛ aa, ya dɛ neɡre ya nyuune. Dɛ yaa kasinteŋ bol.

1 Jɔn 1:8 Iomraidhean Croise

1 Koranar 8:46

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ, dɛ laɡ ba kaa bojaŋ kɛɛ boboraa yoo,

2 Koranar 20:15

Aesaya pɛɛro ŋɔ, “Bɔkwaa ba na he koodem ɔ?” Kooro Hɛsɛkea ŋɔ, “Ba na komɛlbwa aa lɔ n koodem. Komɛlbwa toole n kara mun maa wola kpɔe baɡ ba.”

2 Webena 6:36

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ dɛ laɡ ba kaa bojaŋ kɛɛ boboraa yoo,

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Job Tɔn 15:14

Nɛnee bɔkwa ó ŋɔ doŋa toole o nɛɔ? Nɛn bɛlbwa toole o waa toɡre Korowii be.

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Job Tɔn 9:2

“Kpelaa, n jemɔ kɛ a ɛ kasinteŋ. Aah ɛrɛɛ nɛwɛnyini ɛɛ ba wona di bole Korowii nɛɔ?

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Sɛɡla 20:9

Umee dɛ́ won ŋɔ, “N te tea bini too, wechɔɡa toole n nɛ kwaraa nɔ?”

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Lewi Dea Tena 13:12

Dɛ sɔfo la nao kɛŋɔ weela la lɔ naate bwadabii bwa ta, le o nyundua ba ta harɛ naa,

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Tɔn Pɔɔl Aa Chwerɛ Rom Tena 3:10

Anee Korowii Tɔn la ŋɔ la. O baɡlɔ ŋɔ, “Nomɛlbwa toole dɛ ɛ nɛndɛɛɡe o wa ɛɛ su Korowii siwi. Nɛmbeŋkpoŋ kwaraa toole.

Tɔn Pɔɔl Aa Chwerɛ Rom Tena 3:23

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

Galaasia 6:3

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te.

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

Jems 1:22

He bɛ waa la no dɛ́ ɡel a ɛɛ. Dɛ he dɛ ɛ ɡɛ naa, he dɛ neɡre he te. Hé ɛ ɡɛ waa la aa baɡla la.

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

2 Pita 2:13

Wahala baa ɡela nɛra ɛɛ na la, ba ɡe ɛɛ na a dɔŋaa. Waa ba sie aa dɛ lɛ a taa kɛŋɔ ba bodia waa baa dɛ ɛa bochaah la. He ne baa pɛa dɛɛ di kwaa nɔ, ba do kɛ doŋa dɛɛ chɔɡ he wer. Ba sɔɔh dɛɛ ɛ bodia waa he habɔɔ taeh.

1 Jɔn 1:10

Dɛ ya ŋɔ ya ta wechɔɡa ɛɛ te naa, dɛ ya yerɛ Korowii nyosonteŋni. O waa la ɡe toole ya bini.

1 Jɔn 1:6

Anomanta, dɛ ya ŋɔ ya ne o ɛ beŋkpoŋ, kɛ dɛ berɛ dɛɛ ɛ biro bini wa aa, ya teŋe nyosone. Ya we-ɛɛla dɛ baɡle kɛ ya waa ta kasinteŋ dɔe.

1 Jɔn 2:4

Dɛ nomɛlbwa ŋɔ o jemɛ Korowii, dɛ waa o waa ta teŋaa, ɡɛ nɛn la ɛ nyosonteŋni, dɛ kasinteŋ toole o be.

1 Jɔn 4:20

Dɛ nomɛl hah o dɔŋ dɛ ŋɔ o dɛ nyin Korowii aa, dɛ o teŋe nyosone. Dɛ nomɛl aa o dɔŋ o ne waa pɛa wɛɛ nao la nyin aa, ɛrɛɛ ó ɛ dɛ won nyin Korowii waa wola on na nɔ?

2 Jɔn 1:2

dɛkalkɛŋɔ kasinteŋ la lɔ ya bwa bambile bini. Wɛɛ do lee saŋ bɛlbwa dɛɛ la.

3 Jɔn 1:3

Yabala bane balɔ dɛ ba bol he waa n be ŋɔ he dɛ teŋɛ kasinteŋ waa la ta. Dɛ he we-ɛɛla bwa dɛ baɡle ɡɛ. Anomanta, n baah sɔɔh mɛ taeh.