1 Jɔn 1:3 - mzwDBL

³ Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

1 Jɔn 1:3 Iomraidhean Croise

Job Tɔn 13:1

Job berɔ ŋɔ, “N na ɡɛ waa nɔ bwa, n noɔ, dɛ jemɛ a mun.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Yela 22:22

Mɛɛ bol he waa haa ɛa n nɛra bee, mɛɛ kpɛɛree ba chema binii.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Nɛra Kura 10:32

Dɛ hɛɛ sɛoh ya ne he kaa laa, kondɛɛɡa Korowii aa ka tɛ yaa la, yaa tɛɛ anee.”

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

Amanesoma Jɔn Aa Chwera Tɔn 17:25

N Mɛdɛɛɡe, nɛra baa dɔ harɛ nɔ ta ɡbo liire aa hen jemɛ, kɛ n te jemɛ, asɛ banɔ nɔ ɡe jemɛ kɛŋɔ henee tom mɛ.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 19:35

Naate waa di waa nɔ danseɛ la naa siwi ne, dɛ jemɛ kɛŋɔ kasinteŋii, dɛɛ bola ásɛ he ɡe no dɛ́ yarada.

We-ɛɛla 13:32

Amanesoma nee ya ba he be. Gɛ Korowii aa baɡɛ ya naawa nyoa la,

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

Tɔn Pɔɔl Aa Chwerɛ Rom Tena 15:27

Ba sie lɛo kɛŋɔ baa ta kwaa la. Kasinteŋ, baa won jam Jerusalam Korowii nɛra la ka tonɛ, dɛkalkɛŋɔ ɡɛ Korowii aa cha Israel tena asɛ nɛra baa wola Israel tena ɛɛ di ba tɔnɔ la, ɡɛɛ a chɛ kɛ dɛ nɛra baa wola Israel tena ɛɛ la ɡe dɔ harɛ bonɔ kwaa aa, Israel tena ɡe di ba tɔnɔ.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 1:9

Korowii ɛ kasinteŋ te. Onee le heyaa ŋɔ hé ne o Bie la do som. O Bie laanee ya Dɔɔ Yeesu Kristo la.

1 Kɔrent 15:1

Yabala, hé ɡel n lii heyaa Amanesoma la n fa aa bola baɡle heyaa asɛ he no dɛ taa teŋɛ a ta,

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

Ɛfesos 3:6

dɛ ɡel ba jemɛ kɛŋɔ pɛɛ banɔ la baa wola Juu tena ɛɛ la ne Yeesu aa pɛa la ne Amanesoma la baa noa la nomanta, ba ja Juu tena nɛɛ dɛ ɛ Korowii kwa, dɛ bwa ja Yeesu Kristo nɛ, dɛ bwa pɛ dɛɛ di Korowii nyobaɡa la ɡe tɔnɔ.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

Felepae 2:1

Haa dɔ ɡbemba pɛɛ he ne Yeesu Kristo aa pɛa la ta, o nyina ɡee larawe heyaa bwara, he dɔ Korowii Domadɛɛɡe ɡe wɛɛ cha heya, dɛ dɔ nɛnnyin he chal do dɔŋa nɛɛ nɔ,

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

1 Timoti 6:2

Nɛndɔɔla ba ne ba dɔɔranar bwa aa dɛ yarada Yeesu la bɛ koh kɛ ba ne ba bwa ɛ beŋkpoŋ nomanta, ba siwi ɛɛ sa ba. Ba tenee chɛ kɛ bá tomɛ ba dɔɔranar kɛrɛdɛ kwara, dɛkalkɛ ba dɔɔranar la bwa ɡe yarada Yeesu dɛɛ nyin dɔŋa. Bol ɡɛ waa nɔ baɡ ba, dɛ́ chaɡ ba a bini.

Hibru 2:12

O ŋɔ Korowii be ŋɔ, “Mɛɛ bol he waa haa ɛa n nimanar bee. Mɛɛ kpɛɛree ba chema binii.”

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

2 Pita 1:16

Ya Dɔɔ Yeesu Kristo kpeɡri waa dɔa ne o bala waa la yaa bol he be la, a ta waa yaa kpɔ liire dɛ teŋe nyosone ɛɛ. Ya ɡbaɡba kpɔ sie na ɡɛ o wa aa dɔ nyɛl kohona.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.

1 Jɔn 1:5

Waa yaa noa le Yeesu be dɛɛ bol he be laanee kɛŋɔ, Korowii do kɛŋɔ kon waa chaahna ken. Wechɔɡa bɛlbwa toole o nɛ.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.