1 Kɔrent 8:3 - mzwDBL

³ Naate waa dɛ nyin Korowii la te, Korowii ɡba jemɔ.

1 Kɔrent 8:3 Iomraidhean Croise

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.

Kaala 33:12

Anee Mosis ŋɔ Korowii be ŋɔ, “N Naa Korowii, saŋ bɛlbwaa he yon ŋɔ n tɔ nɛra nɔ sie dɛ́ kpɔ ba kaa, kɛ nɛn waa ja n nɛɛ la te he ta ɡelɛ mɛɛ jemɔ. He berɔ ŋɔ he jem mɛ kɛrɛdɛ he sie ɛɛ lɛ n nɛ.

Kaala 33:17

Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Emɔs 3:2

He ɡboo ɛ nɛra maa le heya tɛ n te harɛre nɛra bwa bini, a waa a chɛ kɛ ń tɛr he deŋne he wechɔɡa bwa waa la.”

Neehum 1:7

Korowii wer, o kpɔ nɔn dɛɛ tɔ o nɛra nɛɛ ba wenaale tɔpere, dɛɛ nyiŋi nɛra baa dɛ yaradao nɛ.

Matiu 7:23

A taa mɛɛ ba ba be ŋɔe ŋɔ, ‘Maa heyaa jemɛ bwa. Hé le n sie bonɔ, wechɔɡ-ɛɛra bane!’

Amanesoma Jɔn Aa Chwera Tɔn 10:14

Menee Peteɡredɛɛɡe la. Gɛ maa jemɛ n peera la, ɡɛɛ a ɡe jem mɛ,

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?

1 Kɔrent 13:12

Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

1 Kɔrent 2:9

A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

Galaasia 4:9

Taraken nɔ haa jemɛ Korowii nɔ, kɛɛ taraken nɔ Korowii aa jemɛ heyaa nɔ, ɛrɛɛ a ɛ asɛ he berɛ dɛɛ nyin he berɛ habɔɔ, dɛ́ kpɔ he te tɛ kwaa aa wola kpeɡri bɛlbwa dɔe, ne waa aa dɔ wesoma nɔɔ? Ɛrɛɛ he berɛ dɛɛ nyin he kpɔ he te tɛa ásɛ a vɔrɔwe heyaa ja nɔɔ?

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Wepila 2:19

N jemɛ he we-ɛɛla ne he nɛnnyin wa, ne he Korowii yaradae, ne chae haa dɛ cha dɔŋa, ne he bambile haa dɛ lawɛ wobɛlbwa ta, dɛ jemɛ kɛŋɔ he taraken we-ɛɛla wer ɡwaa he loɡla kwaa la.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.