Lukasi 8:25 - Alkitab Tambee

²⁵ Umarino raaꞌa Iesu mepau la ana guruNo, “Tembio kai tai mompeꞌalo-alo ndi Iaku?” Medoito ka kombaa takau lowono ana guruNo ka mepau aso mia ka aso mia, “Isiake menteeꞌano mia neea ranta angi ka uwoi metenunu ndi Iwono?”

Lukasi 8:25 Iomraidhean Croise

Lukasi 12:28

Taꞌalu liraꞌa Ue Ala moko meꞌamboꞌo sisi bonse i lere henu oleo neea tuwu ka isomo tinadi la apui. Tamuako ikomiu, asolekono Ue Ala nggale mowei komiu parewa henu pinaralumiu, hei ikomiu mia tai mompeꞌalo-alo lahi!

Lukasi 8:24

Mengkiteo raaꞌa, ana guruNo lumeko wanguꞌo Iesu, ro mpongee, “Guru! Guru! Mate kitoto!” Iesu mewangu ka kumuahakeo angi ka pue raaꞌa. Tempo koa raaꞌa mboꞌu angi ka pue raaꞌa temonto. Angi andono pepuuri mboꞌu ka rano raaꞌa gagi rodo.

Lukasi 8:26

Ambono epie teꞌembu rahea, haweoto Iesu ka ana guruNo i waawute Gerasa henu i asontonano rano Galilea.