Yakubu 1:3 - Nyaa Shɔɔ Ɓɔɔ Laa a Ɓɛɛ

³ Ka ruu ɓɔɔ, nɔɔ zi tɔ nɛɛ, danggn shinnang manɛ kɔ zang gãsɛ ɓee, kɔ shingnɛ nɔɔ zunung danggn mãnang kati ɓɛɛ.

Yakubu 1:3 Iomraidhean Croise

Luka 21:19

Nɔɔ nɛɛ mã danggn tɔ kagn nɔɔ ta yuu manɛ katɔ.

Rooma 15:4

Vuu ɓɔɔ zang bee ka yeti labeenang Laa piti, zang beeyi nɛɛ wu kpɛ̃ɛrɛ ruu, wu mã ruu danggn, tɔ̀ɔ, ruu shing gn kati.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 8:25

Naa ruu shing gn ka vuu ɓɔɔ ruu zi gn kpang, ruu mã danggn, ruu gã vuu bìí.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

2 Tesalonika 1:4

Ka ruu nɔngkɔ, ruu rangkɛ ruu bang bang ka yuu manɛ, ka ɓɔɔ ruu lengke zang ɓɔɔ ri dũng Laa ka nɔng ɓɔɔ ɓɛɛ. Yusɛ̃ɛ tuu ruu kpang. Ruu rangkɛ ruu ka yuu naa ɓɔɔ nɔɔ mã danggn, a nɔɔ shing danggn sasak ka yeti jĩng kɔ nɔɔ dang nandon ɓee ɓɛɛ.

2 Tesalonika 3:5

Ruu gaa Kpanti wu sɔɔ nɔɔ tĩng, nɔ́ɔ zí kasɛnang ɓɔɔ Laa kasɛ nɔɔ nɛɛ mani ɓɛɛ gbãng gbãng. Laa wu ti shíng nɔɔ nɔ́ɔ mã danggn, nɔ́ɔ gã anang Kirisi.

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.

Yahudi 6:12

Ruu kasɛ, nɔɔ si rang kpang, nɔɔ màsɛ̀ rɛɛ zang ɓɔɔ, ka ruu danggn ɓɔɔ ri shingnɛ, nɛɛ danggn ɓɔɔ ri mã ɓɛɛ, rikɔ naa walɛ vuu ɓɔɔ Laa a nyaa ɓɛɛ.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

2 Bituru 1:6

Wu zũnang kɔ shɛ̃ɛning kpang, nɔɔ ti yiti yuu manɛ waasɛ̃. Nɔɔ ti mã danggn gbãng gbãng, nɔɔ nɛɛ mã danggn tɔ, nɔɔ ti nwang nwannang ɓɔɔ Laa tãa tĩnang ɓɛɛ.