Luka 12:57 - Nyaa Shɔɔ Ɓɔɔ Laa a Ɓɛɛ

⁵⁷ “Nɔɔ ti zi naa ɓɔɔ nɔɔ shɛ̃̀ɛrɛ́ yuu manɛ vuu tɔ̃ɔ ɓɔɔ nɔɔ palɛ kpang, ka ruu viya?

Luka 12:57 Iomraidhean Croise

Matiyu 21:21

A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Matiyu 21:32

Ka ruu ɓɔɔ, Yɔhana arɛ, nɛɛ wu naa tusu nɔɔ gbalang nwannang ɓɔɔ tɔ̃ɔ, a nɔɔ shing danggn ka bii ɓiɓɛ kpang ɓɛɛ. Zang ɓɔɔ ri ta saka tipi, nɛɛ zang soro ɓɔɔ ri shing jĩng ka varɛ kãanang kɔ ri shing danggn ka bii ɓiɓɛ jong. Ɓɔɔ nɔɔ ti naa zi tɔɔ naa weɓe, nɔɔ ti kɔ̃sɔ yeti manɛ, nɔɔ shing danggn ka bii ɓiɓɛ kpang.”

Luka 21:30

Ri nɛɛ gaayu gɔpɔ shɔɔ lusunang tɔ, nɔɔ zi katɔ nɛɛ nɔng guusi a naabm tɔ.

Yɔhana 7:24

Nɔ́ɔ jɛ̃ɛ zang ruu nɛɛ vuu ɓɔɔ nɔɔ zì nɛɛ jĩng waati kpang, nɔɔ jɛ̃ɛ zang ruu ka vuu ɓɔɔ niizang ɓɛɛ.”

Zang Shonang Yeesɔ 2:40

Bituru rangkɛ ri ruu ɓɔɔ kaa gn dɔɔli, a shaarɛ ri nyaa kati tɔɔ, “Nɔɔ ta yuu manɛ katɔ nɛɛ naa jĩng ɓɔɔ zang naa dǎng zang ɓɔɔ yeti ɓarɛ shi kpang ɓɛɛ.”

1 Koranti 11:13

Nɔɔ zi ɓu biya ka yeti manɛ viya? Naa zang soro shii paa ka Gãa Laa, gaa Laa, zuu yuu ka takpang tɔ̃ɔ ya?

1 Koranti 11:14

Ka gbalang ɓɔɔ Laa mãarɛ vuu ɓɛɛ, naa suuyuu zang varɛ bée dɔɔli palɛ wu vuu yusɛ̃ɛ kpang ya?