Filipi 4:9 - Nyaa Shɔɔ Ɓɔɔ Laa a Ɓɛɛ

⁹ Vuu ɓɔɔ nɔɔ kpɛ̃ɛrɛ, kɔ́ nɔɔ tarɛ ka bii mɛɛ, kɔ́ nɔɔ nɛɛ tãa ka nyaa mɛɛ, kɔ́ ɓɔɔ nɔɔ zi ka nwannang mɛɛ ɓɛɛ, nɔɔ palɛ wukɔ. Laa ɓɔɔ shingnɛ yeti zang wu valɛ ɓɛɛ, naa nwang ditɔ nɛɛ nɔɔ.

Filipi 4:9 Iomraidhean Croise

Matiyu 1:23

“Jaa soro ɓɔɔ roo varɛ gn kpang, naa tuu jaa ditɔ, naa yi jaa zang varɛ, zang naa ɓaa nung ɓiɓɛ nɛɛ Imanuwe.” (Kpanti Laa nwàng kaa teteng ɓuru.)

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Matiyu 7:21

“Wu zang piti ɓɔɔ ri ɓaarɛ m nɛɛ, ‘Kpanti, Kpanti’ kɔ naa daa nɔng ɓɔɔ Laa roo kpanti kpang. Ɓi zang ɓɔɔ ri palɛ vuu ɓɔɔ Daa mɛɛ ɓɔɔ ka lapa kasɛ ɓɛɛ kɔ, ri daayi.

Luka 6:46

“Ka ruu vi, nɔɔ ɓaarɛ m nɛɛ ‘Kpanti, Kpanti,’ a nɔɔ palɛ vuu ɓɔɔ n kɔɔ nɔɔ kpang viya?

Luka 8:21

A kasɛ ri nyaa tɔɔ, “Nàá mɛɛ nɛɛ rɛɛ jaa nàá mɛɛ ɓi zang ɓɔɔ ri tãa Ruu Laa, a ri ti palɛ vuu ɓɔɔ Ruu Laa kɔɔ ɓɛɛ.”

Yɔhana 13:17

Wee nɔɔ zi vuu keɓe tɔ ɓee, naa nɔɔ palɛ, nɔkɔ naa tãa tĩnang.

Yɔhana 15:14

Nɔkɔ rɛɛ masang, nɔɔ nɛɛ palɛ vuu ɓɔɔ n kɔɔ nɔɔ katɔ ɓɛɛ.

Yɔhana 2:5

Nàá Yeesɔ kɔɔ zang ɓɔɔ ri arɛ, ri yi zang naa ka shonang ɓɛɛ tɔɔ, “Vuu ɓɔɔ nɛɛ kɔɔ nɔɔ piti nɔɔ pálɛ́.”

Zang Shonang Yeesɔ 9:6

“Yupaa ta mɔɔ daa ka yeti gari, zang daa kɔɔ mɔɔ vuu ɓɔɔ mɔɔ palɛ ɓɛɛ ditɔ.”

Rooma 15:33

Laa ɓɔɔ wukɔ shingnɛ ruu nwàng ka nyaa zɔɔ, wu nwang nɛɛ nɔɔ nandon. Nɔngkɔ.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

1 Koranti 10:31

N kàsɛ́ zang keɓe nyaa nɛɛ, ka vuu ɓɔɔ mɔɔ palɛ ɓɛɛ nandon. Naa mɔɔ shaa doo vuu, naa mɔɔ ɓoo doo vuu, palɛ ka gbalang ɓɔɔ mɔɔ a Laa bannang nɛɛ mani ɓɛɛ.

1 Koranti 14:33

Ka ruu ɓɔɔ, Laa tã̀a tĩnang nyaa ɓɔɔ ruu haa kpang ɓɛɛ. Naa ruu nwang ka nyaa zɔɔ, Laa tãa tĩnang wukɔ jong. Ka Gãa Laa ɓɔɔ zang ɓɔɔ ri dũng Laa kagn nandon.

1 Koranti 4:16

Ka ruu nɔngkɔ, n gaa nɔɔ katɔ, nɔɔ palɛ vuu naa ɓɔɔ n palɛ ɓɛɛ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Filipi 3:17

Rɛɛ manzung, nɔɔ kãa gbalang ɓɔɔ nɔɔ palɛ vuu naa ɓɔɔ n palɛ ɓɛɛ nɔɔ nandon. Nɔɔ ti pɛ̃ɛrɛ zang ɓɔɔ ri nwang nwannang tɔ̃ɔ naa weɓe jong. Rùu nwàng nɔɔ ɓuru kaa gbalang ɓɔɔ nɔɔ dũng ɓɛɛ.

Filipi 4:7

Naa nɔɔ palɛ nɔngkɔ, yeti valɛnang ɓɔɔ a nɛɛ bii Laa, ɓɔɔ ɓa naa ɓɔɔ shɔnzang zi naa ɓɔɔ nwang ɓɛɛ katɔ, naa gãng jĩng ka ɓoro manɛ nɛɛ rɛ̃rɛnang manɛ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang, ɓɔɔ nɔɔ zang Yeesɔ Kirisi ɓɛɛ.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 2:14

Rɛɛ manzung ɓuru, vuu kɔ pálɛ̀ nɔɔ ɓee, pálɛ́ zang ɓɔɔ ri dũng Laa ɓɔɔ ri ka tipi Yahudi ɓɔɔ ri ɓakɛ yuu ɓarɛ tɔ nɛɛ Yeesɔ Kirisi ɓɛɛ doo nɔngkɔ. Zang tipi manɛ dãng nɔɔ jĩng doo nɔngkɔ, naa ɓɔɔ zang Yahudi dang ri jĩng jong ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

2 Tesalonika 3:4

Laa mã́ ruu danggn ka bii manɛ kɔ. Ruu zi tɔ nɛɛ palɛ vuu ɓɔɔ ruu kɔɔ nɔɔ katɔ, nɔɔ ti palɛ katɔ sasak.

2 Timoti 4:22

Kpanti Yeesɔ Kirisi wu shingnɛ, mɔɔ tãa tĩnang, Laa wu palɛ nɔɔ tɔ̃ɔ nandon.

Yakubu 1:22

Nɔɔ palɛ vuu ɓɔɔ ruu keɓe kɔɔ ɓɛɛ katɔ. Nɔ́ɔ nwãarɛ yuu manɛ nɛɛ ruu tãanang kɔ shɛ̃ɛning kpang.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

1 Yɔhana 3:22

Laa a ruu vuu piti ɓɔɔ ruu gaa ka naa ɓiɓɛ katɔ, ka ruu ɓɔɔ, ruu ɓaa shoo ka nyaa ɓɔɔ wu dang ɓɛɛ. Ruu ti pálɛ́ vuu ɓɔɔ yeti ɓiɓɛ kasɛ ɓɛɛ.