Filipi 4:8 - Nyaa Shɔɔ Ɓɔɔ Laa a Ɓɛɛ

⁸ Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

Filipi 4:8 Iomraidhean Croise

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Maraku 6:20

Ka ruu ɓɔɔ, Hiridu kaa vɔrɔ Yɔhana katɔ, ti zi tɔ nɛɛ Yɔhana ɓi zang tɔ̃ɔ ɓɔɔ palɛ vuu ɓɔɔ daa bii katɔ ɓɛɛ. Ka ruu nɔngkɔ Hiridu yiti Yɔhana tɔ̃ɔ tɔ̃ɔ, kasɛ nɛɛ vuu ɓɔɔ wu lee Yɔhana naa ka bii kpang. Hiridu ɓaa shoo katɔ ka nyaa Yɔhana tɔ̃ɔ tɔ̃ɔ, a yèé Yɔhana kpãa wu ka yeti dɔɔli.

Luka 16:15

Yeesɔ kɔɔ ri tɔɔ, “Nɔɔ túsù yuu manɛ waati ka nɔng zang nɛɛ nɔɔ zang tɔ̃ɔ, Laa zi yeti manɛ ɓi tɔ. Vuu ɓɔɔ shɔnzang zirɛ, nɛɛ ɓi vuu tɔ̃ɔ, ɓɔɔ ka jĩng Laa ɓi vuu baabii.

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Luka 23:50

Zang ɓɔɔgn zang ɓaa wu nɛɛ Yusufu, yɔɔ gari zang Yahudi ɓɔɔ zang ɓaa nɛɛ Arimataya ɓɛɛ. Kagn teteng zang bang ɓɔɔ ri kpalɛ zɔɔ nɛɛ ri jɛ̃ɛ Yeesɔ ruu ɓɛɛ. A ɓi kaa zang ɓɔɔ zang a wu bannang dɔɔli ɓɛɛ.

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 22:12

“Yɔɔ ɓɔɔ kagn ka gari Damasiku zang ɓaa wu nɛɛ Hananiya. Dṹng nyaa ɓɔɔ Laa dang ɓɛɛ gbãng gbãng, zang Yahudi ɓɔɔ ka gari kaɓa, ri rang ruu ɓiɓɛ tɔ̃ɔ.

Zang Shonang Yeesɔ 6:3

Ka ruu nɔngkɔ, rɛɛ manzung, nɔɔ shɛ̃ɛrɛ zang manziti ka teteng manɛ ɓɔɔ nɔɔ zi tɔ Suru Laa kagn bii ɓarɛ, a ri ti zũng dɔɔli ɓɛɛ. Rúu shing rikɔ ri gãng jĩng ka vuu shaanang basɛnang.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Rooma 13:3

Zang ɓɔɔ ri nɛɛ palɛ vuu tɔ̃ɔ, ri kaa vɔrɔ zang bang kpang. Zang ɓɔɔ ri pálɛ̀ vuu shi kpang kɔ, ri kaa vɔrɔ. Mɔɔ kasɛ nɛɛ mɔɔ kaa vɔrɔ zang bang kpang ya? Palɛ vuu ɓɔɔ tɔ̃ɔ, zang bang dɔ̀ɔ́ mɔɔ ditɔ.

Rooma 14:18

Zang ɓɔɔ nɛɛ palɛ Kirisi shonang naa weɓe, shingnɛ, Laa tãa tĩnang, wu ti shingnɛ, shɔnzang wu kasɛ vuu ɓɔɔ wu palɛ ɓɛɛ.

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

2 Koranti 13:7

Ruu gaa Laa nɛɛ nɔɔ pálɛ̀ vuu shi kpang, kpang. Wu ka ruu ɓɔɔ tɔɔ zang zi kati nɛɛ ruu ɓa vuu gãsɛnang yuu tɔ kpang, ɓi ka ruu ɓɔɔ, tɔ̀ɔ, nɔ́ɔ palɛ vuu ɓɔɔ tɔ̃ɔ kati ɓɛɛ. Naa dòo ka wee zang zí ruu naa vuu gãsɛnang ɓa ruu yuu tɔ ɓee.

2 Koranti 6:8

Lee ɓɔɔ zang a ruu bannang, lee ɓɔɔ zang ti pálɛ́ ruu vuu yusɛ̃ɛ, zang dãa ruu ɓɔɔ katɔ. Lee ɓɔɔ zang ti dɔ̀ɔ ruu, zang risi ruu naa zang sèé, a ruu ti ráng ɓuru ruu ɓɔɔ niizang ɓɛɛ.

2 Koranti 8:18

Ruu dɔ̃ manzung ɓuru ɓɔɔ zang zi wu nung tɔ piti, ka ruu Ruu Tɔ̃ɔ ɓɔɔ ruu kɔɔrɔ zang ɓɛɛ, wu daa nɛɛ wu.

2 Koranti 8:21

Ruu mang ɓuru ka yeti ɓuru nɛɛ ruu palɛ vuu ɓɔɔ tɔ̃ɔ ɓɛɛ. Wu ka jĩng Kpanti Yeesɔ kɔ shɛ̃ɛning kpang, ka jĩng shɔnzang jong.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Afisa 4:25

Ka ruu nɔngkɔ, zang ɓu wu suu sèé takpang, nɔɔ kɔɔ rɛɛ ɓaazung ɓɔɔ ri dũng doo Laa kɔ, ruu ɓɔɔ niizang, ka ruu ɓɔɔ, ruu ɓuru kaa zang zɔɔ ka bii Yeesɔ ɓɛɛ.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Afisa 6:14

Nɔɔ kpalɛ bii katɔ nɔ́ɔ shiiyi. Ruu ɓɔɔ niizang wu nwang naa guruji ɓɔɔ nɔɔ mã ka sang ɓɛɛ. Nwannang tɔ̃ɔ manɛ naa ɓɔɔ Laa kasɛ ɓɛɛ, wu nwang naa vuu ɓɔɔ nɔɔ zuu danggn nɛɛ mani ɓɛɛ.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

1 Tesalonika 4:12

Ka naa weɓe kɔ, nɔɔ shing zang ɓɔɔ ri shing danggn gn kpang, ri seng nɔɔ. Nɔ̀ɔ ti shing jĩng tɔ̀ɔ́ ka bii zang ɓɔɔ, ka ruu vuu ɓɔɔ nɔɔ kasɛ ɓɛɛ kpang.

1 Timoti 2:2

Mɔɔ ti gàa Laa ka ruu rɛɛ kpanti, nɛɛ zang ɓɔɔ ri zang bang ɓɛɛ nandon. Tɔ̀ɔ, rùu ɓɔɔ ruu dũng Laa rúu nwang kaa nyaa zɔɔ kikiri nɛɛ zang piti. Tɔ̀ɔ, ruu a Laa bannang kati ruu ti seng zang jong.

1 Timoti 3:11

Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

1 Timoti 3:4

Wu yiti zang ɓɔɔ ri ka gãa ɓiɓɛ waasɛ̃, wu shing wujɛ ɓiɓɛ, ri ɓaa shoo ka nyaa ɓiɓɛ, ri ti seng wu katɔ.

1 Timoti 4:12

Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

1 Timoti 5:2

Palɛ zang soro ɓɔɔ ri bang tɔ naa ɓɔɔ mɔɔ palɛ nàá ɓaaɓɛ ɓɛɛ. Mɔɔ ti palɛ rɛɛ wujɛ soro naa ɓaa naa. Mɔɔ seng ri katɔ.

Titu 1:8

Ɓi zang ɓɔɔ ta zang zanti ka gãa ɓiɓɛ waasɛ̃ ɓɛɛ, zang ɓɔɔ kasɛ vuu tɔ̃ɔ palɛnang ɓɛɛ, zang ɓɔɔ palɛ vuu sãnsãnrãng kpang ɓɛɛ, palɛ ɓi vuu ɓɔɔ daa bii katɔ diki diki, ti palɛ ɓi vuu ɓɔɔ Laa kasɛ ɓɛɛ, zang ɓɔɔ yiti yuu ɓiɓɛ waasɛ̃ ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 2:2

Kɔɔ zang ɓɔɔ ri kpɛ̃ɛ tɔ, ri nwàng wu zang ɓɔɔ yeti ɓarɛ lasɛ pati kpang, ri nwáng zang ɓɔɔ zang a ri bannang katɔ, ri yiti yuu ɓarɛ waasɛ̃. Ri nwang zang ɓɔɔ ri shing danggn tɔ gbãng gbãng ɓɛɛ, ri kasɛ zang gbãng gbãng, a ri ti mã danggn gbãng gbãng.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Yahudi 11:2

Laa kɔɔ ruu tɔ̃ɔ ka yuu rɛɛ dabang dabang ɓuru, ka ruu danggn ɓɔɔ ri shing ɓɛɛ kɔ.

Yahudi 13:18

Nɔɔ gàa Ruu Laa diki diki, ka ruu ɓɔɔ, rùu zi tɔ, rɛ̃rɛnang ɓuru ɓi tɔ̃ɔ ɓɛɛ, a ruu ti kasɛ nɛɛ ruu pálɛ́ vuu ɓɔɔ daa naa katɔ ɓɛɛ diki diki.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.