Filipi 4:4 - Nyaa Shɔɔ Ɓɔɔ Laa a Ɓɛɛ

⁴ Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.

Filipi 4:4 Iomraidhean Croise

Matiyu 5:12

Nɔɔ dɔɔ bii ta, nɔ́ɔ ti tãa tĩnang, ka ruu ɓɔɔ, Kpanti Laa shing nɔɔ vuu ɓɔɔ kagn lapa ɓɛɛ. Zang dàng zang nyaa shonang Kpanti Laa ɓɔɔ ri a ka tĩng manɛ jĩng doo nɔngkɔ.

Zang Shonang Yeesɔ 16:25

Nɛɛ gãmbang zĩi Bulu nɛɛ Siila ri gàá Laa, ri ti gàá wu soo. Zang ɓɔɔ zang mã ri dòo ka sãa kɔ, ɓɔɔ nimbang, ri ɓaa shoo ri tãa ri.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

Galati 1:8

A naa nɛɛ doo rukɔ, nɛɛ zang nyaa shonang Laa ɓɔɔ ka lapa, nɛɛ kɔɔ Ruu Tɔ̃ɔ ɓɔɔgn, wu ɓɔɔ ruu kɔɔ nɔɔ tĩng shɔɔnang kpang, zang dɔng wu ruu, zang tasɛ wu ka waa bang.

Filipi 2:18

Daa naa ɓɔɔ nɔɔ tãa tĩnang jong tɔ. Nɔɔ kpalɛ yuu nɛɛ n, ruu tãa tĩnang.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.