Filipi 2:6 - Nyaa Shɔɔ Ɓɔɔ Laa a Ɓɛɛ

⁶ Yeesɔ nwang naa Laa ka vuu piti, a tɔɔ kaa takpang nɛɛ wu gãsɛ yuu ɓiɓɛ nɛɛ Laa nɛɛ gbãng gbãng ning kpang.

Filipi 2:6 Iomraidhean Croise

Matiyu 1:23

“Jaa soro ɓɔɔ roo varɛ gn kpang, naa tuu jaa ditɔ, naa yi jaa zang varɛ, zang naa ɓaa nung ɓiɓɛ nɛɛ Imanuwe.” (Kpanti Laa nwàng kaa teteng ɓuru.)

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 10:30

Ɓɔɔ n nɛɛ Daa ruu gbete.”

Yɔhana 10:33

Zang Yahudi ri kasɛ wu nyaa tɔɔ, “Ruu luku mɔɔ wu ka ruu vuu tɔ̃ɔ ɓɔɔ mɔɔ palɛ ɓɛɛ kpang. Ruu luku mɔɔ, ka ruu ruu shi kpang ɓɔɔ mɔɔ kɔɔ ɓɛɛ. Ka ruu ɓɔɔ mɔɔ shɔnzang waati, mɔɔ kɔɔyi nɛɛ mɔɔ ɓaa Laa ɓɛɛ.”

Yɔhana 10:38

N nɛɛ palɛ vuu ɓɔɔ Daa mɛɛ palɛ kɔ, nɔɔ nɛɛ shing danggn doo ka bii mɛɛ kpang, nɔ́ɔ shing danggn ka vuu ɓɔɔ zang zirɛ zang mã naa ka danggn ɓɔɔ n palɛ ɓɛɛ. Tɔ̀ɔ, nɔ́ɔ zi kaa gn dɔ̃ɔ gbete nɛɛ Daa kagn bii mɛɛ, nɛɛ n ti kagn bii Daa.”

Yɔhana 14:28

Nɔɔ tãayi, n kɔɔ nɔɔ nɛɛ, ‘N dàá kaa tɔ, n gbãayu ditɔ tɔkn ka bii manɛ.’ Wee nɔɔ kasɛ m katɔ ɓee, nɔɔ tãa tĩnang, ka ruu ɓɔɔ, n dàá ka bii Daa ɓɛɛ. Ka ruu ɓɔɔ, Daa ɓa m bannang ɓi katɔ ɓɛɛ.

Yɔhana 14:9

Yeesɔ kasɛ wu nyaa tɔɔ, “Filibu, n nwáng tɔ, nɛɛ nɔɔ diki mɛɛ bee tɔ, mɔɔ zi m nung gn kpang ya? Zang ɓɔɔ nɛɛ zi m tɔ, zi Daa tɔ. A mɔɔ kɔɔ m ka ruu vi nɛɛ, n shìng nɔɔ ta, nɔɔ zi Daa nung viya?

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Yɔhana 20:28

Tooma kasɛ wu nyaa tɔɔ, “Mɔkɔ Kpanti mɛɛ nɛɛ Laa mɛɛ.”

Yɔhana 5:18

Ka ruu rúu kɔ wu kɔɔ ɓɛɛ, zang Yahudi ri kãa gbalang kaa gbãng gbãng nɛɛ ri nyɔ wu vɔrɔ. Wu ka ruu ɓɔɔ, wu ta nyaa ɓɔɔ zang dang ka yuu Diki Ɔ̃sɔnang kɔ shɛ̃ɛning kpang. Ka ruu ɓɔɔ, ti ɓaa Laa nɛɛ Daa ɓiɓɛ ɓɛɛ. Gãsɛ yuu ɓiɓɛ kaa teetee nɛɛ Laa.

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 1:6

A kɔɔ tɔkn, ka ɓɔɔ Laa nwangsɛ jamari ɓiɓɛ ka koo, kɔɔyi tɔɔ, “Zang nyaa shonang Laa ɓɔɔ ri ka lapa nandon ri bang wu ta.”

Yahudi 1:8

Ka yuu Jaa ɓiɓɛ, Laa kɔɔyi nɛɛ, “Mɔkɔ Laa, kpanti roonang ɓaaɓɛ ɓi ɓɔɔ gbinggbing ɓɛɛ. Vuu ɓɔɔ mɔɔ palɛ teetee, wukɔ nwang laa naa yitinang, ɓɔɔ mɔɔ roo kpanti nɛɛ mani ɓɛɛ.

Yahudi 13:8

Yeesɔ Kirisi ɓi doo naa ɓɔɔ wu nɛɛ ka ɓɔɔrɔ ɓɛɛ, ɓi doo nɔngkɔ lɛ̀ɛ́kɔ, ti nwang ɓi nɔngkɔ gbinggbing.

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.