Filipi 2:5 - Nyaa Shɔɔ Ɓɔɔ Laa a Ɓɛɛ

⁵ Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

Filipi 2:5 Iomraidhean Croise

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Luka 22:27

Zang ɓɔɔ nwang ka tipi, zang a wu vuu shaanang, nɛɛ zang ɓɔɔ a wu vuu shaanang, wi bang wiya? Wu zang ɓɔɔ nwang ka tipi, zang a wu vuu shaanang kɔ bang kpang ya? Wee n ka teteng manɛ ɓee, nkɔ shong nɔɔ jong.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Rooma 14:15

Naa mɔɔ lasɛ ɓaazung ɓɔɔ dũng doo Laa kɔ yeti, ka ruu vuu ɓɔɔ mɔɔ shaa ɓɛɛ. Mɔɔ palɛ vuu keɓe ɓi tɔ̀ɔ́ ka ruu ɓɔɔ mɔɔ kasɛ ruu ɓiɓɛ katɔ kpang. Mɔɔ yaa vuu shaanang ɓɔɔ mɔɔ shaayi, wu ningsi zang ɓɔɔ Kirisi vɔ ka ruu ɓiɓɛ kpang.

Rooma 15:3

Ka ruu ɓɔɔ, Kirisi palɛ ɓi vuu ɓɔɔ wu tãa tĩnang ka bm kpang ɓɛɛ. Naa ɓɔɔ labeenang Laa kɔɔ ɓɛɛ, “Dãanang ɓɔɔ zang dãa nɔɔ, zang dãa Nkɔ”.

Rooma 15:5

Laa ɓɔɔ wukɔ shing nɔɔ, nɔɔ mã danggn, nɔɔ ti yi tĩng ka vuu ɓɔɔ nɔɔ shing gn palɛnang ɓɛɛ, wu shingnɛ nɔ́ɔ nwang ka nyaa zɔɔ. Nɔ́ɔ pálɛ́ shonang ɓɔɔ Yeesɔ Kirisi pálɛ́ ɓɛɛ.

1 Koranti 10:33

Naa ɓɔɔ n kãa m gbalang n shing zang ri tãa tĩnang ka vuu piti ɓɔɔ n palɛ ɓɛɛ. N shing jĩng m ka vuu ɓɔɔ yi nkɔ naa ka bii shɛ̃ɛning kpang. N shing jĩng m ka vuu ɓɔɔ, yi zang dɔɔli naa ka bii ɓɛɛ. Tɔ̀ɔ, n atɛ ri, Laa wu ta yuu ɓarɛ kati.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

1 Yɔhana 2:6

Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.