Filipi 1:9 - Nyaa Shɔɔ Ɓɔɔ Laa a Ɓɛɛ

⁹ N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

Filipi 1:9 Iomraidhean Croise

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

2 Koranti 8:7

Ka vuu piti, nɔɔ ɓa zang ɓɔɔ ri dũng Laa ɓɔɔ nimbang tɔ. Nɔkɔ ka ting, ka danggn ɓɔɔ nɔɔ shing ka bii Yeesɔ Kirisi, ka naa ɓɔɔ nɔɔ kɔɔrɔ zang Ruu Tɔ̃ɔ Laa ɓɛɛ. Ka naa ɓɔɔ nɔɔ zi ruu ɓɔɔ niizang, ka ɓɔɔ nɔɔ kasɛ shonang palɛnang katɔ ɓɛɛ, a ɓɔɔ ti ka naa ɓɔɔ nɔɔ kasɛ ruu. Ka ruu nɔngkɔ, n kasɛ nɔkɔ nɔ́ɔ sɔɔ tĩng ka shonang keɓe, ɓɔɔ tusu nɛɛ nɔɔ kàsɛ̀ zang katɔ ɓɛɛ.

Afisa 5:17

Nɔ́ɔ nwàng wu naa shoko kpang, nɔɔ kãa manɛ gbalang ɓɔɔ nɔɔ zi vuu ɓɔɔ Laa nɛɛ nɔɔ pálɛ́ ɓɛɛ.

Kolosi 1:9

Ka ruu nɔngkɔ, rùu gaa Laa diki diki ka ruu manɛ, ruu gaayu doo nɛɛ diki ɓɔɔ ruu tãa ruu manɛ ɓɛɛ. Ruu gaa Laa wu shing nɔɔ, nɔɔ zi vuu ɓɔɔ wu kasɛ nɛɛ zang palɛ ɓɛɛ. Suru Laa wu a nɔɔ zũnang nɛɛ vuu zinang ɓɔɔ nɔɔ palɛ vuu keɓe nɛɛ mani ɓɛɛ.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.

1 Tesalonika 3:12

Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

Filimon 1:6

N gaa Laa nɛɛ mɔɔ yi tĩng ka ɓɔɔ mɔɔ kɔɔrɔ zang ruu ka yuu danggn ɓɔɔ mɔɔ shing ka bii Laa ɓɛɛ. Laa wu ti tusu mɔɔ vuu ɓɔɔ kagn ka yeti tɔ̃ɔ piti, ɓɔɔ ɓi ɓɔɔ ɓuru ɓɔɔ ruu zang Kirisi ɓɛɛ.

Yahudi 5:14

Vuu shaanang ɓɔɔ lakɛ katɔ ɓi ɓɔ̀ɔ́ zang ɓɔɔ ri zũng bii tɔ ɓɛɛ, zang ɓɔɔ ri kpɛ̃ɛrɛ yuu ɓarɛ tɔ diki diki, naa ɓɔɔ ri bàsɛ́ teteng vuu tɔ̃ɔ, nɛɛ vuu shi kpang ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.