Filipi 1:8 - Nyaa Shɔɔ Ɓɔɔ Laa a Ɓɛɛ

⁸ Laa zi tɔ niizang nɛɛ n kasɛ nɔɔ katɔ dɔɔli, naa ɓɔɔ Yeesɔ Kirisi kasɛ ruu ɓɛɛ.

Filipi 1:8 Iomraidhean Croise

Luka 1:78

Ka ruu ɓɔɔ, gn zang kɔng Laa ɓuru dɔɔli ɓɛɛ. Naa shong nyaa nɛɛ zang ɓɔɔ naa ta yuu ɓuru ɓɔɔ naa nwáng naa làa ɓɔɔ nwáng ɓɛɛ.

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 9:1

Vuu kɔ n kɔ̀ɔ́ ɓee, niizang kɔ nwani. N suu sèé kpang, kaa ruu ɓɔɔ, n m zang Kirisi ɓɛɛ. Rɛ̃rɛnang mɛɛ ɓɔɔ Suru Laa roo kpanti kagn, ti kɔɔyi nɛɛ niizang, n suu sèé kpang.

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

2 Koranti 6:12

Ɓi rukɔ waasɛ naa ɓɔɔ ruu kasɛ nɔɔ ɓɛɛ kpang, ɓi nɔkɔ zãa yuu manɛ nɛɛ nɔɔ kàsɛ̀ ruu kpang.

2 Koranti 7:15

Titu kpaa danggn naa ɓɔɔ nɔɔ ta wu, nɔɔ tuu yuu manɛ kpang, a nɔɔ ti seng wu katɔ ɓɛɛ. A ɓɔɔ ti naa ɓɔɔ nɔɔ nandon nɔɔ kasɛ tɔ, nɔɔ dũng vuu ɓɔɔ wu kɔɔ nɔɔ ɓɛɛ. Ka ruu nɔngkɔ, kasɛnang ɓɔɔ wu kasɛ nɔɔ nɛɛ mani dàá kaa nɛɛ tĩng kɔ sasak.

Galati 1:20

N kɔɔ nɔɔ ruu kɔ nwani ka tĩng Laa, vuu kɔ n bee nɔɔ ɓee, niizang, n suu sèé kpang.

Galati 3:26

Kãntang keɓe, nɔɔ nandon nɔɔ nwàng kaa wujɛ Laa, ka ruu danggn ɓɔɔ nɔɔ shing ka bii Yeesɔ Kirisi ɓɛɛ.

Galati 4:19

Rɛɛ manzung, n tãa kɔnang ka yuu manɛ naa ɓɔɔ jaa kɔng zang soro ɓɔɔ yi kaa jaa ɓɛɛ. N kasɛ nɛɛ zang zi nwannang Yeesɔ Kirisi ka nwannang manɛ.

Filipi 2:1

Wee nɔɔ shing danggn tɔ ka bii Kirisi ɓee, danggn shinnang keɓe zàrɛ́ nɔɔ kana, nɛɛ nɔɔ kasɛ ruu zɔɔ ya? Kasɛnang ɓɔɔ wu kasɛ nɔɔ mã nɔɔ danggn katɔ ya? A nɔɔ ti nwang ka nyaa zɔɔ nɛɛ Suru Laa ya? Nɔɔ kasɛ katɔ ka yeti manɛ nɛɛ nɔɔ pálɛ̀ zɔɔ tɔ̃ɔ ya? A gn zɔɔ ti kɔng nɔɔ katɔ ya?

Filipi 2:26

Kasɛ ka yeti ɓiɓɛ gbãng gbãng nɛɛ wu zi nɔɔ nandon tɔkn. Vuu bìí kpãa wu dɔɔli, ka ruu ɓɔɔ, nɔɔ tãayi nɛɛ vuu pálɛ́ wu katɔ ɓɛɛ.

Filipi 4:1

Rɛɛ manzung ɓɔɔ n kasɛ nɔɔ katɔ gbãng gbãng, n shing jĩng n kasɛ nɔɔ zinang. Nɔkɔ shing m n tãa tĩnang, n ti dɔɔ bii nɛɛ nɔkɔ. Rɛɛ masang ɓɔɔ n kasɛ nɔɔ dɔɔli ɓɛɛ, nɔɔ shii nɔngkɔ gbãng gbãng ka bii Laa.

Kolosi 2:1

N kasɛ nɛɛ nɔɔ zi naa ɓɔɔ n palɛ shonang nɛɛ kaka mɛɛ nandon, ka ruu manɛ, nɛɛ zang ɓɔɔ ri ka gari Lawodikiya, a ɓɔɔ zang ɓɔɔ ri zi m gngn nɛɛ jĩng ɓarɛ kpang ɓɛɛ.

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

1 Tesalonika 2:5

Nɔɔ zi tɔ̃ɔ tɔ̃ɔ nɛɛ ɓɔɔ ruu a ka bii manɛ, ruu a wu nɛɛ nyaa tãa kpang. Ruu rang nɔɔ yee wu naa ɓɔɔ shingnɛ ruu walɛ vuu ɓɔɔ ruu kasɛ ɓɛɛ kpang, Laa zi yeti ɓuru tɔ.

1 Tesalonika 2:8

Ka ruu ɓɔɔ, ruu kasɛ nɔɔ katɔ ɓɛɛ, ruu kpalɛ bii tɔ ruu kɔɔ nɔɔ wu Ruu Tɔ̃ɔ Laa kɔ shɛ̃ɛning kpang, ruu ti vɔ ka ruu manɛ ka ruu ɓɔɔ ruu kasɛ nɔɔ katɔ gbãng gbãng.

2 Timoti 1:4

N nɛɛ kpaa danggn miiri ɓɔɔ mɔɔ tɛ̃ɛ tɔ, n kasɛ n zi jĩng ɓaaɓɛ, tɔ̀ɔ, n tãa tĩnang kaa gbãng gbãng.

Filimon 1:12

Wee n dɔ̃ mɔɔ wu ɓee, nwang naa ɓɔɔ n dɔ̃ mɔɔ suru bii mɛɛ ɓɛɛ.

Filimon 1:20

Masang ɓɔɔ n kasɛ mɔɔ dɔɔli ɓɛɛ, n gaa Laa, mɔɔ palɛ m tɔ̃ɔ keɓe jong, ka ruu kpanti ɓuru. Shing m yeti mɛɛ wu valɛ, ka ruu ɓɔɔ, mɔɔ manzung ka ruu danggn ɓɔɔ ruu shing ka bii Yeesɔ ɓɛɛ.

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?