Filipi 1:6 - Nyaa Shɔɔ Ɓɔɔ Laa a Ɓɛɛ

⁶ N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

Filipi 1:6 Iomraidhean Croise

Yɔhana 6:29

Yeesɔ kasɛ ri nyaa tɔɔ, “Nɔɔ shing danggn ka zang ɓɔɔ wu shong ɓɛɛ. Wee vuu ɓɔɔ Laa kasɛ nɛɛ nɔɔ pálɛ̀ ɓɛɛ kɔ.”

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

2 Koranti 1:15

N zi tɔ nɔngkɔ kɔ, n mang ka yeti mɛɛ nɛɛ n gaayu n leng nɔɔ, tɔ̀ɔ, nɔ́ɔ tãa tĩnang kaa dakn ziti.

2 Koranti 2:3

Ka ruu nɔngkɔ, n bèe nɔɔ labeenang kaɓa. N kasɛ kpang n a ka bii manɛ, yeti wu lasɛ m nɛɛ nɔɔ ɓɔɔ nɔkɔ nɛ̀ɛ́ shing m, n tãa tĩnang ɓɛɛ kpang. Ka ruu ɓɔɔ, n zi tɔ ka yeti mɛɛ, n nɛɛ tãa tĩnang tɔ, nɔɔ piti nɔɔ tãa tĩnang tɔ jong.

2 Koranti 7:16

N tãa tĩnang tɔ kati kãntang keɓe, ka ruu ɓɔɔ, n shing danggn kaa tɔ dɔ̃ɔ gbete ka bii manɛ ɓɛɛ.

2 Koranti 9:4

Naa zang Makidoniya ri a nɛɛ n ka bii manɛ, ri ĩiyi nɔɔ kpalɛ bii gn nɛɛ vuu manɛ kpang, yusɛ̃ɛ tuu ruu dɔɔli. Ruu yaa yusɛ̃ɛ ɓɔɔ tuu nɔɔ ɓi ka nɔngkɔ. Ka ruu ɓɔɔ, n kɔɔ ri ruu ka yuu manɛ, nyaa zaa m kpang ɓɛɛ.

Galati 5:10

Ɓɔɔ mɛɛ, sisĩng lɔɔ m ka ruu manɛ kpang. Yuu ɓɔɔ ruu kpalɛ nɛɛ nɔɔ ka bii Yeesɔ Kirisi kɔ shing m sisĩng lɔɔ m kpang. N zi tɔ, nɔɔ ta ruu ɓɔɔgn kpang, a zang ɓɔɔ kpantɛ nɔɔ jĩng keɓe, naa doo wiya, Laa naa dang wu jĩng ditɔ.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Filipi 1:10

Tɔ̀ɔ, nɔ́ɔ zunung ɓɔɔ nɔɔ zɔ̃ng vuu ɓɔɔ wukɔ tɔ̃ɔ ɓa Vuu piti ɓɛɛ kati. Vuu keɓe kɔ ri shingnɛ ka diki ɓɔɔ Yeesɔ Kirisi naa jɛ̃ɛ zang ruu kagn, nɔɔ nwáng manɛ zang ɓɔɔ yeti ɓarɛ tɔ̃ɔ ɓɛɛ. Zang ɓɔɔ zang naa tɔɔ kpang nɛɛ ri palɛ vuu shi kpang tɔ kpang ɓɛɛ.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

2 Tesalonika 1:11

Vuu ɓɔɔ shingnɛ ruu gaa nɔɔ Laa diki diki ɓɛɛ kɔ. Ruu kɔɔ Laa ɓuru nɛɛ wu shingnɛ nɔ́ɔ daa naa nwannang kɔ wu ɓàa nɔɔ nyaa nɛɛ nɔɔ nwang ɓee katɔ. Wu ti shingnɛ nɔɔ palɛ tɔ̃ɔ ɓɔɔ nɔɔ kasɛ nɛɛ nɔɔ palɛ ɓɛɛ nandon. Wu ti yi nɔɔ naa ka bii nɛɛ naa vuu palɛnang ɓiɓɛ, nɔ́ɔ nwang nwannang ɓɔɔ daa naa ɓɔɔ zang ɓɔɔ ri shing danggn tɔ ɓɛɛ.

2 Tesalonika 3:4

Laa mã́ ruu danggn ka bii manɛ kɔ. Ruu zi tɔ nɛɛ palɛ vuu ɓɔɔ ruu kɔɔ nɔɔ katɔ, nɔɔ ti palɛ katɔ sasak.

Filimon 1:21

N zi tɔ, mɔɔ palɛ vuu ɓɔɔ n kɔɔ mɔɔ ɓɛɛ katɔ. Mɔɔ ti palɛ ɓa katɔ.

Yahudi 10:35

Ka ruu nɔngkɔ, nɔ́ɔ yaa gn ɓɔɔ nɔɔ mã ɓɛɛ naa kpang, nwǎng nɔɔ vuu ditɔ bang.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.