Filipi 1:16 - Nyaa Shɔɔ Ɓɔɔ Laa a Ɓɛɛ

¹⁶ Zang doo knti keɓe ri palɛ nɔngkɔ, ka ruu ɓɔɔ, ri kasɛ m katɔ ɓɛɛ. Ri ti zi tɔ nɛɛ Laa shingnɛ nɛɛ zang mã m ka sãa, tɔ̀ɔ, n tusu zang kati nɛɛ Ruu Laa ɓi niizang kɔ nwani ɓɛɛ.

Filipi 1:16 Iomraidhean Croise

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

Filipi 1:10

Tɔ̀ɔ, nɔ́ɔ zunung ɓɔɔ nɔɔ zɔ̃ng vuu ɓɔɔ wukɔ tɔ̃ɔ ɓa Vuu piti ɓɛɛ kati. Vuu keɓe kɔ ri shingnɛ ka diki ɓɔɔ Yeesɔ Kirisi naa jɛ̃ɛ zang ruu kagn, nɔɔ nwáng manɛ zang ɓɔɔ yeti ɓarɛ tɔ̃ɔ ɓɛɛ. Zang ɓɔɔ zang naa tɔɔ kpang nɛɛ ri palɛ vuu shi kpang tɔ kpang ɓɛɛ.

Filipi 1:12

Manzung ɓɔɔ ri dũng doo Laa kɔ ɓɛɛ, n kasɛ, nɔɔ zirɛ nɛɛ vuu kɔ palɛ m ɓee, shingnɛ Ruu Laa daa ɓi nɛɛ tĩng kɔ jong.

Filipi 1:5

Ka ruu ɓɔɔ, nɔɔ yì m naa ka bii ka ɓɔɔ n kɔɔrɔ zang Ruu Tɔ̃ɔ Laa ɓɛɛ. Nɔɔ yì m naa kagn ka ɓɔɔ n gáayú ɓɛɛ, à nɛɛ mani kãntang keɓe.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filipi 2:22

A nɔɔ nandon, nɔɔ zi tɔ nɛɛ Timoti tusu tɔ nɛɛ wu ɓi zang tɔ̃ɔ. N nɛɛ wu, ruu kɔɔrɔ zang Ruu Tɔ̃ɔ Laa ka nyaa zɔɔ. Ka shonang kɔ ruu palɛ ɓee, dũng m, naa ɓɔɔ jaa dũng daa ɓiɓɛ ɓɛɛ.

Filipi 4:15

Nɔɔ zang Filipi, nɔɔ nɛɛ yuu manɛ nɔɔ zi tɔ, nɛɛ ka diki ɓɔɔ n gaayu ɓɔɔ n kɔɔrɔ zang ruu tɔ̃ɔ Laa, n gaayu nɛɛ laa ɓɔɔ n yupaa n yaa Makidoniya ɓɛɛ, nɔkɔ yi m naa ka bii shɛ̃ɛning. Zang ɓɔɔ ri dũng Laa ɓɔɔ, ri ɓakɛ yuu nɛɛ n, ka nɔng zɔɔ vuu alɛnang nɛɛ talɛnang, kpang.

Filipi 4:3

N gaa mɔɔ katɔ, zang ɓɔɔ palɛ shonang nɛɛ n, a ti ɓaa shoo ka nyaa mɛɛ ɓɛɛ. Mɔɔ yì rɛɛ zang soro keɓe naa ka bii, ka ruu ɓɔɔ, ri nɛɛ n, ruu palɛ shonang, a ruu ti dang jĩng nɛɛ zɔɔ, ka ɓɔɔ ruu, kɔɔrɔ zang Ruu Tɔ̃ɔ Laa ɓɛɛ. Naa ɓɔɔ Kilema nɛɛ rɛɛ wusang shonang mɛɛ, ɓɔɔ Laa bée nung ɓarɛ tɔ nandon ka yeti labeenang ɓiɓɛ, ɓɔɔ wu beere nung zang ɓɔɔ ri walɛ suru bii ɓɔɔ waa nyaa kpang tɔ, kagn ɓɛɛ.