Filipi 1:11 - Nyaa Shɔɔ Ɓɔɔ Laa a Ɓɛɛ

¹¹ N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 1:11 Iomraidhean Croise

Matiyu 5:16

Ka ruu nɔngkɔ, nɔɔ palɛ vuu tɔ̃ɔ manɛ waasɛ̃ ka jĩng zang, tɔ̀ɔ ri zi shonang tɔ̃ɔ manɛ, ri dɔ̀ɔ Daa manɛ ɓɔɔ lapa kati.”

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Rooma 15:28

N nɛɛ hangsɛ shonang keɓe tɔ. N nɛɛ a ri vuu ɓɔɔ ri kpalɛ ri tɔ nandon. N yupaa daanang Asabaniya kati, n leng nɔɔ kaa gbalang.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

1 Koranti 10:31

N kàsɛ́ zang keɓe nyaa nɛɛ, ka vuu ɓɔɔ mɔɔ palɛ ɓɛɛ nandon. Naa mɔɔ shaa doo vuu, naa mɔɔ ɓoo doo vuu, palɛ ka gbalang ɓɔɔ mɔɔ a Laa bannang nɛɛ mani ɓɛɛ.

2 Koranti 9:10

Laa kɔ a zang jĩng vuu, zang ɓàayi, wu ti a wu vuu shaanang, wu shaayi. Ka ruu nɔngkɔ, Laa naa a nɔɔ jĩng vuu ɓɔɔ nɔɔ kasɛ ɓaanang ɓɛɛ ditɔ nandon, wu ti shingnɛ, vuu ɓɔɔ takɛ wu bangkɛ. Ka naa weɓe, Laa shingnɛ, vuu ɓɔɔ nɔɔ a zang nɛɛ yeti gbete, nɔ́ɔ a zang kaa dɔɔli.

Afisa 1:12

Palɛ vuu keɓe, nɛɛ tɔ̀ɔ, ruu ɓɔɔ ruu zang Yahudi ɓɔɔ ruu shing gn ka bii Yeesɔ Kirisi shɔɔnang, ruu shingnɛ zang ri dɔɔ bannang Laa kati.

Afisa 1:14

Suru Laa keɓe kɔ pálɛ̀, Laa á nɔɔ vuu ɓɔɔ Laa a nyaa nɛɛ wu a zang ɓiɓɛ ɓɛɛ. Wukɔ shing zang ɓɔɔ ri ɓarɛ zang Laa ri wɔrɛ dɔ̃ɔ gbete, tɔɔ zang ri dɔɔ bannang Laa kati.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Filipi 4:17

N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

2 Tesalonika 1:12

Ka naa weɓe kɔ, zang a Kpanti ɓuru Yeesɔ bannang ka ruu shonang ɓɔɔ wu palɛ nɛɛ bii manɛ ɓɛɛ. A ɓɔɔ nɔɔ ti palɛ nɛɛ bii ɓiɓɛ, ka Ruu Tɔ̃ɔ Laa ɓuru, nɛɛ ɓɔɔ Kpanti ɓuru Yeesɔ Kirisi.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Yahudi 12:11

Ka laa ɓɔɔ zang gɔ̃ mɔɔ shoo, tĩng nyaa kpang, kɔng katɔ. Nɛɛ knti shoo kɔ zang kasɛ nɛɛ zang gɔ̃ zang ɓee, naa nwǎng zang kaɓa tɔ̃ɔ, wu ti shingnɛ ri palɛ zang tɔ̃ɔ, ri ti nwang ka nyaa zɔɔ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.