Filipi 1:1 - Nyaa Shɔɔ Ɓɔɔ Laa a Ɓɛɛ

¹ Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 1:1 Iomraidhean Croise

Maraku 13:34

Diki ɓɔɔ Jaa Shɔnzang gbãayu kagn, nwang naa zang ɓɔɔ tɔɔ wu daa zanti, yáa gãa ɓiɓɛ ka naa zang shonang ɓiɓɛ ɓɛɛ. Basɛ ri vuu ɓɔɔ ri naa palɛ ka knti ɓɛɛ katɔ nandon. A ti kɔɔ zang ɓɔɔ gãng jĩng ka nyaa gãa, nɛɛ wu gãng jĩng tɔ̃ɔ tɔ̃ɔ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Zang Shonang Yeesɔ 1:20

Bituru ti kɔɔ tɔkn nɛɛ, “Zang bee ka yeti labeenang Zabura nɛɛ, “ ‘Gãa ɓiɓɛ wu nwang dãzãa, zang ɓɔɔ wu nwàng kagn kpang.’ Zang ti bee tɔkn nɛɛ, ‘Zang ɓɔɔ wu ta nɔng shonang ɓiɓɛ.’

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 9:13

A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

1 Koranti 16:10

Timoti nɛɛ a tɔ ka nɔng manɛ, nɔɔ palɛ vuu naa ɓɔɔ wu tãa tĩnang ɓɛɛ. Ka ruu ɓɔɔ, pàlɛ́ Kpanti Kirisi doo shonang kɔ naa ɓɔɔ n palɛ ɓɛɛ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Galati 3:26

Kãntang keɓe, nɔɔ nandon nɔɔ nwàng kaa wujɛ Laa, ka ruu danggn ɓɔɔ nɔɔ shing ka bii Yeesɔ Kirisi ɓɛɛ.

Galati 3:28

A vuu ɓɔɔ bàsɛ̀ teteng zang Yahudi nɛɛ zang ɓɔɔ ri zang Yahudi kpang, a jaafoo nɛɛ zang ɓɔɔ jaafoo kpang, a zang varɛ nɛɛ zang soro, ɓi tɔɔ kagn kpang. Nɔɔ nandon nɔɔ manɛ kaa gbete ka yuu ɓɔɔ nɔɔ ɓakɛ nɛɛ Yeesɔ Kirisi ɓɛɛ.

Afisa 1:1

Labeenang keɓe, nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ. N bèé zang ɓɔɔ ri ka gari Afisa ɓɔɔ ri dũng Yeesɔ Kirisi nɛɛ yeti gbete ɓɛɛ.

Afisa 1:15

Ka ruu keɓe kɔ, ɓu doo ɓɔɔ n tãa nyaa danggn ɓɔɔ nɔɔ shing ka bii Kpanti Yeesɔ, nɛɛ naa ɓɔɔ nɔɔ kasɛ zang Laa nandon ɓɛɛ,

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

Filipi 2:19

Naa Kpanti Yeesɔ nɛɛ kasɛ tɔ, n tantɛ Timoti shɔɔnang ditɔ ka bii manɛ. Tɔ̀ɔ, nɛɛ gbãayu tɔ ka bii mɛɛ, ruu manɛ ɓɔɔ wu naa kɔɔ m, wu mã m danggn kati.

Filipi 2:5

Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

Filipi 3:12

N tɔɔ kpang nɛɛ n walɛ rɛɛ vuu ɓɔɔ n shing jĩng mɛɛ kagn ka tĩng kaɓa kpang, n ti tɔɔ kpang nɛɛ shi kpang kagn ka bii mɛɛ kpang, kpang. N daa m nɛɛ tĩng, tɔ̀ɔ, n naa yiti rɛɛ vuu kaɓa naa ɓɔɔ Yeesɔ Kirisi yiti m jong ɓɛɛ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

1 Tesalonika 1:1

Labeenang keɓe, nɛɛ bii mɛɛ Bulu, a ɓɔɔ Siila nɛɛ Timoti. Ruu bee zang ɓɔɔ ri dũng Yeesɔ Kirisi ka gari Tesalonika, ɓɔɔ ri zang Daa ɓuru Laa nɛɛ Kpanti Yeesɔ Kirisi ɓɛɛ. Laa wu palɛ nɔɔ tɔ̃ɔ, wu ti shingnɛ yeti manɛ wu valɛ katɔ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

2 Tesalonika 1:1

Labeenang keɓe nɛɛ bii mɛɛ Bulu, a ɓɔɔ kaa Siila nɛɛ Timoti. Ruu bee zang ɓɔɔ ri dũng Laa ɓɔɔ ri ka gari Tesalonika ɓɛɛ. Ɓɔɔ ri zang Daa ɓuru Laa, nɛɛ Kpanti ɓuru Yeesɔ Kirisi ɓɛɛ.

2 Tesalonika 1:10

Ka diki ɓɔɔ wu arɛ ɓɛɛ, tɔ̀ɔ zang ɓiɓɛ nandon ɓɔɔ ri shing danggn tɔ, ri dɔ̀ɔ wu ri a wu bannang kati. Nɔɔ naa nwang jong ka teteng ɓarɛ, ka ruu ɓɔɔ, nɔɔ shíng danggn tɔ, ka ruu ɓɔɔ, ruu kɔ̀ɔ nɔɔ ɓɛɛ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

1 Timoti 3:8

Zang ɓɔɔ ri yi zang naa ka shonang ka Gãa Laa, ri nwang nwannang ɓɔɔ tɔ̃ɔ ɓɛɛ. Ri ti nwang zang ɓɔɔ ta nyaa ziti kpang. Ri ti ɓoo saa kpang, ri ti zang ɓɔɔ ri shing jĩng ka saka kãanang kpang.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Filimon 1:1

Labeenang keɓe nɛɛ bii mɛɛ, nkɔ Bulu, ɓɔɔ zang mã m ka sãa, ka ruu ɓɔɔ, n pàlɛ́ Yeesɔ Kirisi shonang ɓɛɛ, a ɓɔɔ Timoti ɓɔɔ nwang kaa naa jaa nàá ɓuru ka ruu danggn ɓɔɔ ruu shing nɛɛ wu gbete ɓɛɛ. Ruu bee Filimon wusang shonang ɓuru, ɓɔɔ ruu kasɛ mɔɔ dɔɔli ɓɛɛ.

Yahudi 13:23

N kasɛ nɔɔ tãayi nɛɛ, zang yaa manzung ɓuru Timoti naa tɔ nɛɛ sãa. Nɛɛ à pati, ruu naa zi nɔɔ nɛɛ wu.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

1 Bituru 2:25

Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 2:12

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Pagamu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yere bang ɓiɓɛ kagn nyaa ɓiɓɛ ziti, wɔng katɔ kɔ nandon ɓɛɛ.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

Vuu ɓɔɔ zang nwangsɛ Yɔhana 22:9

a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”