Tutu Xuva 9:7 - El Nuevo Testamento en Mixtec Santa María Zacatepeco

⁷ Ta te'en nāka'an ndio ra chi'in ra: ―¡Kua'an, kuànakata tinuu̱n, nuu ndaa ma soko ña nàni Siloé! ―kàti Jesuu. Ma tu'un Siloé, kùuni yi ka'an yi: Yu'u tàchi ñu̱n. Tajan ma ra kuaá ikan cha nākata ra tinuu ra, ta ora chāa ra nuu ndaa Jesuu, ta cha ndè'e ndio ra.

Tutu Xuva 9:7 Iomraidhean Croise

Tutu Mate 11:5

Na katitu'un ndo nuu ra ña ma ndian kuaá, cha ndè'e na, ta ma ndian koxo cha chìka na, ta ma ndian kù'vi jà'a kue'e ta'yu cha ndā'a na ndia. Ta ma ndian so'o cha chìni na, ta ma ndian cha chī'í nàtaku na, ta ma ndian nda'vi chìni na ma tu'un Ndioo ña jàkakú na.

Tutu Luka 13:4

¿A chàku'uni ndo naja kua kēkoyo ma torri ña nàni Siloé ma ora ña kāchi'í cha'un uni ta'an ñivi jā'a yi? Ta, ¿a ndē'e na tundo'o cha'a' ña chīyo ga kuati na kua ma ñivi chīyo ma ñuu Jerusalén?, kùuni ndo.

Tutu Luka 2:32

Yakan va ra'ya kùu ra iin ra vàchi jandondichin nuu ñivi yüvi judíu takua kùu iin ñu'ú ña jàndondichin yi iti' chàkunuu yo. Ta juuni ma yo kùu ndian judíu, ni kindoo yo iin ñuu ka'nu jà'a ra ndia. Takan kàti ma Simeón cha'a' ma ravali.

Tutu Xuva 10:36

Ta tu Ndioo kāchin ra yu'u kuenda ma tiñu ra, ta tāchi ra yu'u ma ñuñivi i'ya, töve chìtoi naja kà'an ndo ña kà'an ti'ini̱ chata ra, cha'a' ña kà'in ña Se'e Ndioo kùi, tuva takan.

Tutu Xuva 11:37

Ta ìyo ma ndian judíu kà'an te'en: ―Ma ra jā'a ña ndā'a ma tinuu ma ra takani kuaá ora kāku, ¿naja na töve nī kuu ja'a ra nï'iin nakuyi, ikan na töve kuvi ma Lázaru niku? ―kàti na.

Tutu Xuva 9:11

Ta rakan te'en nāka'an ra chi'in na: ―Ma ra nàni Jesuu, jā'a ra nda'yu chi'in ma takuii yu'u ra, ta kū'vi ra yi chata tinui, ta te'en nāka'an ra chi'i̱n: “Kua'an nuu ndaa ma soko ña nàni Siloé, ta nakataun ma tinuu̱n”, kāti ra chi'i̱n. Tajan chā'an ndioi cha nākatai yi. Ta takan kūu yi, ña kūu nande'i ―Takan kàti ra.

Tutu Xuva 9:39

Ta Jesuu te'en nāka'an ra: ―Ma tiñu vàchi ja'a yu'u ma ñuñivi i'ya, kùu yi ña vàchi jakutuni̱ kuati ma ñivi. Ta vàchi ja'i ña nande'e ma ndian kuaá. Ta vàchi ja'i ña na ndokuaá ma ndian chànini na ña ñivi ndichin nde'e kùu na. Ndiakan ni ndakuu na takua ma ndian kuaá.

Tutu Hechos 26:18

Vati ni tachi̱ ñu̱n nuu na, ikan na nunaun tinuu na, ta na käkaga na nuu naa, vati na kaka na nuu ndichin. Vati nuu naa kùu yi kuenda kui'na, yakan va na kakú na nuu ma ndatu kui'na. Ta na ku'un na iti' Ndioo, ikan na chinuni na tu'in. Ta takan ìyo yi ña ja'a na ikan kùu ni'i na ma ña jànaa Ndioo ma kuati na. Tajan ni ni'i na koo na chi'i̱n takua ìyo ma ndian ií ndian chìnuni ma tu'in ndia.” Takan kāti tati Jesuu chi'i̱n.

Tutu Romanu 8:3

Vati Ndioo jā'a ra ma ña nī kuu ja'a ma Ley Moisés, ti Ndioo jāndi'i ra nuu ma kuati ña chà'nda tiñu ma kuñu yo. Ti Ley ikan na küu ja'a yi nï'iin nakuyi cha'a' ña jakakú yi yo nuu ma kuati ña chàta'ani kuñu yo ja'a yi. Va Ndioo jā'a ra yi kuenda yo ora tāchi ra ma ra Se'e ra ñuñivi i'ya ña kàa ra takua kàa kuñu yo, ikan na janaa ra tandi'i ma kuati ìyo kuñu yo ora sōkó ra ma kuñu ra nuu kruu.

Tutu Gálata 4:4

Va ora ña chāa ma tiempu va'a, Ndioo tāchi ra ma ra se'e ra ma ñuñivi i'ya, ta rakan ti tichi iin ña'a chāku'un ra ta kāku ra, ta jāchi'in ra ma tu'un Ley Ndioo ña tāa Moisés,