Tutu Xuva 9:5 - El Nuevo Testamento en Mixtec Santa María Zacatepeco

⁵ Ma ora juuni yanga ìyoi ma ñuñivi i'ya, yu'u kùi takua kùu ma ñu'ú, ña jàtuun ñuñivi ―kàti Jesuu.

Tutu Xuva 9:5 Iomraidhean Croise

Tutu Mate 4:16

Vati ndyo'o ndian chàkunuu nuu naa niku, cha kīcha'a ndè'e ndo iin ñu'ú ya'a ka'nu, iti' chākunuu ndo niku töve iti' va'a kùu yi ti ni naa ndo jà'a yi, va vitin ma Racha'nu cha jāndondichin va'a ra yi kuenda ndo. Takan tāa Isaía.

Tutu Mate 5:14

’Ndyo'o kùu ndo tava kùu ma ñu'ú ña jàndondichin ma ñuñivi. Ta tu iin ñuu kàndii yi xini yuku, na küu kundii xe'e yi ndia.

Tutu Luka 2:32

Yakan va ra'ya kùu ra iin ra vàchi jandondichin nuu ñivi yüvi judíu takua kùu iin ñu'ú ña jàndondichin yi iti' chàkunuu yo. Ta juuni ma yo kùu ndian judíu, ni kindoo yo iin ñuu ka'nu jà'a ra ndia. Takan kàti ma Simeón cha'a' ma ravali.

Tutu Xuva 12:46

Vati yu'u kùi tava kùu ma ñu'ú ña jàtuun nuu ndo, ta yu'u kīchai ma ñuñivi i'ya kuenda ma ndian chìnuni ña kà'in, ikan na töve kindoo na ma nuu naa.

Tutu Xuva 8:12

Takan kūu tajan Jesuu te'en nāka'an tuku ra chi'in ma ñivi: ―Yu'u kùi tava kùu iin ñu'ú ña jàndondichin nuu ndè'e ma ñivi ñuñivi, ta ma ndian tàndikun chatai, na töva ni kakunuu na nuu naa, vati ni ni'i na ma ñu'ú ña ni ku'va nuu koo na endeeni ―kàti Jesuu.

Tutu Hechos 13:47

Vati ma Racha'nu te'en kā'an ra chi'in ndi ña jà'a ndi: Tàchi̱ ndo ña na jana'a ndo nuu ñivi yüvi judíu, ikan na chinuni na tu'in. Vati indukuni kùu ña jàna'a ndo takua kùu ma ñu'ú ña jàndondichin iti' chìka yo. Ta juuni na jana'a ndo nuu na ndava nda nuu ndi'i ñu'u' ñuñivi naja kua jà'i ña jàkakúi na. Takan kàti Racha'nu ―kàti Paulu.

Tutu Hechos 26:18

Vati ni tachi̱ ñu̱n nuu na, ikan na nunaun tinuu na, ta na käkaga na nuu naa, vati na kaka na nuu ndichin. Vati nuu naa kùu yi kuenda kui'na, yakan va na kakú na nuu ma ndatu kui'na. Ta na ku'un na iti' Ndioo, ikan na chinuni na tu'in. Ta takan ìyo yi ña ja'a na ikan kùu ni'i na ma ña jànaa Ndioo ma kuati na. Tajan ni ni'i na koo na chi'i̱n takua ìyo ma ndian ií ndian chìnuni ma tu'in ndia.” Takan kāti tati Jesuu chi'i̱n.

Tutu Hechos 26:23

Vati kātitu'un ndra naja kua ni kuvi ra Cristu, ta ji'na kuii ga ra kùu ra ña ni nataku ndiko ra tañu ndian ndií. Ti ra Cristu kùu ra takua kùu iin ñu'ú ña jàna'a iti' kuà'an yo. Vati kàtitu'un ra naja kua kùu kakú anima yo. Ta indukuni jà'a ra yi chi'in ndyu'u ndian judíu nda ndian yüvi judíu ndia. ―Takan kàti Paulu.

Tutu Efesu 5:14

Yakan va te'en kà'an yo: Na ndakoun, yo'o ña kìxi, Na ndetaun tañu ma ndian chī'í, Ti Cristu kùu ma ra ni jatuun ra ma iti' kuà'un.

Tutu Apocalipsis 21:23

Ta ma ñuu ka'nu ikan, tüvi chiniñu'u yi ña jàtuun ma nikandii yi, ta ni ma yoo ndia, vati ma ra ni jàtuun yi kùu ma Racha'nu Ndioo, ta ma ñu'ú ikan, kùu ma ra kùu takua kùu ma mvechala.