Tutu Xuva 9:38 - El Nuevo Testamento en Mixtec Santa María Zacatepeco

³⁸ Tajan chūnandi chiti ndio ma ra nda'vi ikan nuu Jesuu, ta te'en nāka'an ra chi'in ra: ―Chìnuni̱ ña kà'un Racha'nu ―kàti ma ra nda'vi chi'in Jesuu.

Tutu Xuva 9:38 Iomraidhean Croise

Tutu Mate 14:33

Tajan ma ndra ka'ìin tichi lancha, chūnandi chiti ndra nuu Jesuu, ta te'en nāka'an ndra chi'in ra: ―¡Ndicha kuii ña yo'o kùu ma ra Se'e Ndioo! ―kàti ndra chi'in Jesuu.

Tutu Mate 28:17

Ta ora ndē'e ndra Jesuu, ta jāka'nu ndra ra, vaji ìyo ma ndra tüvi nī ja'a yi cha'a' ña tüvi chìnuni ndra.

Tutu Mate 28:9

Ta ma nuu kàcha'an vi kēta ma Jesuu nuu vi, ta kāña'a ra chi'in vi. Tajan vikan, chājayatin vi vi nuu ra, ta chūnumindaa vi cha'a ra, ta jāka'nu vi ra.

Tutu Mate 8:2

Ta ikan jan iin ra ndo'o kue'e ta'yu, chājayatin ra ra nuu Jesuu, ta chūnandi chiti ra nuu ra, ta te'en nāka'an ra chi'in ra: ―Yo'o Racha'nu, na janda'un yu'u chi'in ma kue'e ña ndo'i, tuva kùuniun ―kàti ra.

Tutu Luka 24:52

Ta ikan jan chūnandi chiti ndio ndra ta kīcha'a ndio ndra jàka'nu ndra ra. Ta ora cha yā'a ña jā'a ndra takan, tajan nduva'a kuii chìsii ndra chìkoni'i ndra ma ñuu Jerusalén.

Tutu Xuva 20:28

Tajan ma Tomá te'en nāka'an ra chi'in ra: ―¡Yo'o kùu ma Racha'nui, ta ma ra kùu Ndioi! ―kàti ma Tomá.

Tutu Xuva 9:39

Ta Jesuu te'en nāka'an ra: ―Ma tiñu vàchi ja'a yu'u ma ñuñivi i'ya, kùu yi ña vàchi jakutuni̱ kuati ma ñivi. Ta vàchi ja'i ña nande'e ma ndian kuaá. Ta vàchi ja'i ña na ndokuaá ma ndian chànini na ña ñivi ndichin nde'e kùu na. Ndiakan ni ndakuu na takua ma ndian kuaá.