Tutu Xuva 9:35 - El Nuevo Testamento en Mixtec Santa María Zacatepeco

³⁵ Ta ora chīto Jesuu ña jākunu ndra ra nda'vi ikan ma tichi ma veñu'u, ta ora chīkuta'an ra ra, ta te'en chīkatu'un ra nuu ra: ―¿A chìnuni yo'o ña kà'an ma ra Se'e Ndioo? ―kàti Jesuu.

Tutu Xuva 9:35 Iomraidhean Croise

Tutu Mate 14:33

Tajan ma ndra ka'ìin tichi lancha, chūnandi chiti ndra nuu Jesuu, ta te'en nāka'an ndra chi'in ra: ―¡Ndicha kuii ña yo'o kùu ma ra Se'e Ndioo! ―kàti ndra chi'in Jesuu.

Tutu Mate 16:16

Tajan Simón Petu' te'en nāka'an ra chi'in Jesuu: ―Yo'o kùu̱n Cristu, ra Se'e Ndioo ndito ―kàti Petu' chi'in ra.

Tutu Mate 4:3

Tajan ma kui'na chajāyatin ndioán' ñá' nuu Jesuu kuenda ña ni ki'in ndioán' ku'va ra, ta te'en nāka'an ndioán' chi'in ra: ―Tu ndicha va'a ña ra Se'e Ndioo kùu̱n, na ka'un chi'in ma yuu ña ndoyo chiña, ña na ndakuu yi paan. ―Takan kàti ma kui'na chi'in ra.

Tutu Marku 1:1

I'ya kìcha'a tu'un va'a cha'a' Jesucristu, ra Se'e Ndioo.

Tutu Xuva 1:18

Ta nï'iin ñivi takä'an nde'e na ma Ndioo, ti uvanuuni ma ra Se'e Ndioo, ra endee ìyo chi'in ma Tatá ra, rakan kùu ra ña chà'a ra kuenda nuu yo naja kua kùu ma Tatá ra.

Tutu Xuva 1:34

Yu'u cha ndē'i ña takan kūu yi chi'in ra, ta kàtitu'in nuu ndo ña ndicha kuii ña ra Se'e Ndioo kùu ra.

Tutu Xuva 10:36

Ta tu Ndioo kāchin ra yu'u kuenda ma tiñu ra, ta tāchi ra yu'u ma ñuñivi i'ya, töve chìtoi naja kà'an ndo ña kà'an ti'ini̱ chata ra, cha'a' ña kà'in ña Se'e Ndioo kùi, tuva takan.

Tutu Xuva 11:27

Ta yakan te'en nāka'an ña: ―Juu yo'o Racha'nu, yu'u chìnuni ña yo'o kuu ma Cristu ra Se'e Ndioo, ra kīchaa ma ñuñivi i'ya ―kàtian.

Tutu Xuva 20:28

Tajan ma Tomá te'en nāka'an ra chi'in ra: ―¡Yo'o kùu ma Racha'nui, ta ma ra kùu Ndioi! ―kàti ma Tomá.

Tutu Xuva 20:31

Takan tāi nuu ma tutu i'ya, ikan na chinuni ndo ña Cristu kùu ma ra Se'e Ndioo. Ta tu chìnuni ndo ma ña kà'an ra, ni ni'i ndo nuu koo ndito ndo endeeni chi'in ra.

Tutu Xuva 3:36

Ta nda ndian chìnuni ma ña kà'an ma Se'e ma Racha'nu, ni koo na endeeni chi'in ra, va ma ndian töve jàchi'in ña kà'an ma ra Se'e ra, tüvi ni ni'i na ma nuu koo na endeeni chi'in Ndioo, ti ni jande'e ra tundo'o ka'nu na endeeni.

Tutu Xuva 5:14

Takan kūu ta ora cha ya'a ña kūu takan, tajan chīkuta'an ndio Jesuu ma ra jānda'a ra tichi kora veñu'u ka'nu, ta te'en nāka'an ra chi'in ra: ―Vitin ña cha ndā'un, na jä'a gaun ma kuati, koto nde'un tundo'o ka'nu ga ―kàti Jesuu chi'in ra.

Tutu Xuva 6:69

Ta ndyu'u kīcha'a ndi chìnuni ndi, ta nàkoto ndi, ña yo'o kùu ma ra kùu Cristu, ra Se'e Ndioo ndito.

Tutu Xuva 9:22

Takan kā'an ma ndian kùu tatá ra, ti yu'vi vi ndè'e vi ma ndra judíu ikan, vati ma ndra judíu cha natu'un ta'an ndra, ña tuva ìyo ma ndian kà'an ña Jesuu kùu ma Cristu, ni tavani'i ndra na indeeni ma veñu'u, ta tüva kùu na kuenda yi.

Tutu Xuva 9:34

Tajan te'en nāka'an ma ndra judíu chi'in ra: ―Yo'o, kùu̱n ra kāku chi'in kuati, ¿ta vitin kùuniun jana'un nuu ndi nayi ìyo yi ña ja'a ndi? ―kàti ndra. Tajan jākunu ndra ra veñu'u ma ndian judíu.

Tutu Hechos 8:36

Tajan ma tichi iti' nuu kuà'an ndra, kēta ndra iin nuu ìyo takuii, ta te'en nāka'an ra chi'in ma Lipe: ―¡Nde'e! Ti ikan ìyo takuii. ¿A kùu kundutai ma ikan?, kùuniun. ―Takan kàti ma ra Etiopía.

Tutu Hechos 8:37

Tajan ma Lipe te'en nāka'an ra chi'in ra: ―Tu chìnuniun chi'in ndisaa animaun, kùu kundutaun ―kàti ra. Tajan te'en nāka'an ndio ma ra Etiopía chi'in ma Lipe: ―Juu chìnuni̱ ña ma Racha'nu Jesucristu kùu ra, ra Se'e Ndioo ―kàti ra.

Tutu Hechos 9:20

Takan kūu ikan kīcha'a Saulu jàna'a ra tu'un Jesuu ma tichi veñu'u nuu kùti'vi ñivi judíu. Ta ikan kàtitu'un ra nuu na, ti Jesuu kùu ra se'e Ndioo.

Tutu Romanu 1:4

Ta juuni cha'a' ma Jesucristu, jàna'a kachin ma Tati Ií Ndioo ña juu Jesucristu kùu ra Se'e Ndioo ti chi'in ndatu ma Tati Ií Ndioo jānataku ndiko Ndioo ra tañu ma ndian ndií.

Tutu Romanu 10:20

Vati nda ma ra nàni Isaía, töve nī yu'vi ra nde'e ra nï'iin ñivi ora kà'an ra te'en kuenda Ndioo: Ma ndian tüvi nànduku yu'u niku, ndiakan nāta'an na yu'u. Ta nuu ma ndian tüvi chìkatu'un cha'i niku, nuu ndiakan jāna'i yu'u ña na nakoto na yu'u. Takan kāti ra.

Tutu Xuva Nunuu 4:15

Yakan va tandi'i ma ndian nàkoto ña Jesuu kùu ra ma ra Se'e Ndioo, ndisaa ndiakan ìyo na chi'in Ndioo, ta Ndioo ìyo ra chi'in na ndia.

Tutu Xuva Nunuu 5:10

Yakan va tu chìnunio ma tu'un ma ra Se'e Ndioo, cha chìto yo ti ña ndicha kùu ma tu'un ña kà'an Ndioo cha'a' Se'e ra ña ìyo tichi anima yo, va taku ma ndian tüvi chìnuni ma tu'un Ndioo, ndiakan kàti na ti mamaa tu'un vatani kùu ma ña kà'an ra. Takan kàti na ti tüvi chìnuni na ña tu'un ndaa kùu ma ña kà'an Ndioo cha'a' ma ra kùu Se'e ra.

Tutu Xuva Nunuu 5:13

Tài ma tu'un i'ya kuenda ndo ndian chìnuni tu'un ma Racha'nu Jesuu ra kùu Se'e Ndioo, ikan na koto kachin ndo ña cha nì'i ndo nuu ni koo ndo endeeni chi'in ra.

Tutu Xuva Nunuu 5:20

Ta juuni cha chìto yo ña kīchaa ma ra Se'e Ndioo nuu ñu'u' ñuñivi i'ya ta chā'a ra chinituni yo, ikan na nakoto yo ma Ndioo ndicha. Ta cha'a' yakan kùu yi ña indukuni ìyo yo chi'in ra, ta chi'in ma ra Se'e ra Jesucristu ndia. Yakan va ma rakan kùu ra ma Ndioo ndicha, vati chà'a ra nuu koo yo endeeni chi'in ra.

Tutu Xuva Nunuu 5:5

Yakan va, ¿nda yo kùu ma ndian jàkanaa ma kuati ìyo nuu ñu'u' ñuñivi?, kùuni ndo. Ma ndian chìnuni ña ma Racha'nu Jesuu kùu ra ma Se'e Ndioo, ndiakani kùu ma ndian jàkanaa.

Tutu Xuva Uni 1:10

Yakan va ora ni chai ma ndakan, tajan ni katitu'in nuu ndo cha'a' ma kuati jà'a ra, vati cha chīnitu'in ña kà'an ra tu'un vata chata ndi, ta yakan ti na yüvi ña va'a kùu yi. Vati na tüvi ndaki'in maani ra ma ndian kùu ta'an yo ndian vàchi inga ñuu vaji ndian jàtiñu kuenda Ndioo kùu na. Ta nda ma inga ndian chìnuni ña ìyo chi'in ra juuni na tüvi chà'a ra ña na ndaki'in maani na na ndia. Va tu jà'a na yi tajan rakan ti tavani'i ra na ma tichi veñu'u ta tüva cha'a' ra ña ki'vi ndiko na.