Tutu Xuva 7:37 - El Nuevo Testamento en Mixtec Santa María Zacatepeco

³⁷ Ma kivi nuu ndi'i nia, ña ìyo ma viko ka'nu ikan, ma Jesuu chūndaa ndio ra, ta te'en nāka'an ni'i ra chi'in ma ñivi: ―Tu ìyo nda ndyo'o nàtii ndo takuii, na kichi ndo nui, ta ku'vai ra' ko'o ndo.

Tutu Xuva 7:37 Iomraidhean Croise

Tutu Mate 11:28

Ta ndisaa ndyo'o ndian nduva'a chitatu, cha'a' ña ya'a jàtiñu ndo, ta cha'a' ña ya'a vee ndiso ndo, na kichi ndo nui, ta ku'vai nuu nindee ndo.

Tutu Mate 3:3

Cha'a' ma Xuva i'ya kùu yi, ña te'en kā'an ma Isaía, ra kā'an chi'in tu'un yu'u Ndioo niku: Iti' tichi ku'u kīchi tati iin ra'ii, ña te'en kānachaa ni'i yi: “Na jandova'a ndo iin iti' kuenda ma Racha'nu, ta na nuna ndo iin iti' ndoo kuenda ra ndia.” Takan kàti ma tati ikan, kāti ma Isaía.

Tutu Mate 5:6

’Na sii kuuni ma ndian ya'a ìyoni jàkuu tiñu va'a takua kùuni Ndioo, ta chi'in ma ndian ya'a nàtii na ña kùuni na nde'e na ra, takua kùuni na ora nàtii na takuii, vati ma Racha'nu Ndioo, ni tindee ra na ña na ja'a na yi.

Tutu Xuva 1:23

Ta ma Xuva te'en nāka'an ra: ―Yu'u kùu ma ra endee ndà'yu nda java tichi ku'u chi'in tu'un i'ya: “Na nuna ndo iin iti' ndaa, kuenda ma Racha'nu”, takua kā'an Isaía, ra kā'an chi'in tu'un yu'u Ndioo taji'na.

Tutu Xuva 14:6

Tajan Jesuu te'en nāka'an ra chi'in ra: ―Yu'u kùu ma iti' ndaa, chi'in ma iti' ndicha, ta ma ña chà'a nuu koo ndìto yo. Ta uvaa chi'in yu'uni, kùu chaa yo nuu ìyo ma Racha'nu Tatái.

Tutu Xuva 4:10

Tajan te'en nāka'an ndio Jesuu chi'in ma ña'a ikan: ―Tu chìtoun niyi kùu ma ña va'a ña kùuni Ndioo ku'va ra kuenda ma ñivi ra, ta tu chìtoun nda ra kùu yu'u ra kā'an te'en chi'un “ña na ku'vaun takuii ko'i”, ta yo'o, ni ndakaun takuii nui, ta ni ku'vai ra' nuu̱n kuenda ña na koo nditoun.

Tutu Xuva 4:11

Tajan ma ña'a ikan te'en nāka'an ña chi'in ra: ―Yo'o racha'nu tüvi nda'un nï'iin nakuyi ña tàva yo ma takuii, ta ma soko ya'a ga kunu yi. ¿Ta ndanu ìyo ma takuii ña jà'a ña koo ndito yo ña ni ku'vaun ko'i?

Tutu Xuva 4:14

Ta ma ndian ni ko'o ma takuii ña ni ku'vai, na tüva ni natii na ra' inga cha'a, vati endeeni ni koo ra' tichi anima na jà'a ra' ma takua kùu iin nuu kàna ra' jà'i, ikan na koo na endeeni chi'in Ndioo.

Tutu Xuva 5:40

Va ndyo'o na töve kùuni ndo chinuni ndo ma tu'in, ta tu chīnuni ndo yu'u niku, kùu ni'i ndo nuu koo ndito ndo endeeni chi'in Ndioo.

Tutu Xuva 6:35

Ta Jesuu te'en nāka'an ra chi'in na: ―Yu'u kùu ma paan ña chà'a ña koo ndito ndo endeeni. Ta ma ndian vàchi nui, na tüva ni kusoko na, ta ma ndian chìnuni ña kà'in, na tüva ni natii na takuii ndia.

Tutu Xuva 6:37

Ta tandi'i ma ndian chā'a ma Tatái nui, ndiakan kùu ma ndian vàchi nui. Ta ma ndian vàchi nui ni ku'vai ña ki'vi na iti' kuà'in.

Tutu Xuva 6:55

Vati ma kuñui kùu ma ndayu va'a, kuenda ña kacho, ta ma nii̱ kùu ra' iin ña va'a ko'o yo ndia.

Tutu Xuva 7:28

Ta ora chīni Jesuu ña takan kà'an ma ñivi, ma ora jàna'a ra nuu na ma tichi kora veñu'u ka'nu, tajan te'en nāka'an ni'i ra chi'in na: ―¿A ndicha ña nàkoto ndo nda ra kùi, ta juuni chìto ndo ndanu kīchi̱? Va yu'u kùuni̱ ña na koto va'a ndo, ña yu'u töve vàchi̱ i'ya cha'a' ña kùuni mai. Vàchi̱ ti ìyo iin ra tāchi yu'u ña töve nàkoto ndo. Ta rakan ti iin ra ndaa kùu ra.

Tutu Corintu Nunuu 10:21

Vati na küu ko'o ndo ma vinu ña ka'ìin tichi copa ma Racha'nu, tuva juuni chì'i ndo ma vinu ña ka'ìin tichi copa ma tati xaan ndia, ta juuni na küu kunandi ndo mesa ma Racha'nu, tuva juuni chùnandi ndo mesa ma tati xaan ikan ndia.

Tutu Corintu Nunuu 10:4

Ta juuni chi'in inga tiñu ka'nu, Ndioo chā'a ra ña chī'i na ma takuii va'a ña kàna ma nuu ìyo kava ma tichi iti' kuà'an na, ti takuii ikan kùu ma Cristu, vati maa ra kùu ra ña tīndee ra na, ikan na töve nayi ta'an na ma nuu kuà'an na.

Tutu Corintu Nunuu 11:25

Takan kūu ta ora cha chīnu kuxini ndio ndra, tajan kī'in ra iin copa vinu, ta te'en nāka'an ra cha'a' yi: “Na ko'o ndo ma copa vinu i'ya, vati chi'in ma copa i'ya, jàchinui chi'in nii̱ ma tu'un chaa ña ndō'iin Ndioo chi'in ndo jà'a ra'. Takan ìyo yi ña ja'a ndo, ikan na kuku'uni ndo yu'u”, kàti Jesuu.

Tutu Corintu Nunuu 12:13

Ta juuni kua ikan kùu yi chi'in maa yo ña kùu yo ndian judíu a ndian yüvi judíu, a kùu yo ndian musu ña tüvi ni'i ya'vi a ndian töve, vati nda ora jā'a ma Tati Ií Ndioo ña jākunduta ra yo, nda ma ora ikan kùu yi ña cha ndākuu yo iini kuñu Cristuni jā'a ma Tati Ií Ndioo, ti nuu ta'ii'iin yo, Ndioo chà'a ra uvanuu ma Tati Ií ra ña na koo yi chi'in yo.

Tutu Efesu 5:18

Na töve ìyo yi ña ko'o ndo ndixi, ta kùuní ndo jà'a ra', vati yakan kùu ma ña jà'a ña töve va'a jà'a ndo. Ma ña ìyo yi ña ja'a ndo kuu ña na koo kua'a' va'a ma Tati Ií Ndioo chi'in ndo.

Tutu Apocalipsis 21:6

Ta ora cha yā'a ña kūu takan, tajan te'en nāka'an tuku ra chi'i̱n: ―Vitin va cha chīnu ndisaa yi. Vati yu'u kùu ma ra nunuu ta ma ra nuu ndi'inia, takua kùu ma letra A chi'in Z. Vati tu ìyo nda yo nàtii takuii, ta yu'u saani̱ ni ku'vai ma takuii ko'o na nuu kàna ra', ikan na koo na endeeni chi'i̱n.

Tutu Apocalipsis 22:1

Ta ora yā'a ña kūu takan, tajan ma tati ikan jāna'a ndio yi nui iin yuta takuii kuichin takua kàa inu ña chà'a ra' kivi koo yo, ña kèe ra' ma nuu ìyo tayu ií nuu chà'nda Ndioo tiñu chi'in ma ra kùu takua kùu mvechala.

Tutu Apocalipsis 22:17

Takan kūu tajan te'en nāka'an ndio ma ra kùu Tati Ií Ndioo, chi'in ma ndian kùu takua kùu ñasi'i ma ra kùu mvechala: ―Na'a ndo ―kàti na. Ta nda ndian ni kuuni ña taso'o na ora kà'an na takan, na ka'an na: ―Na'a ndo ―inga cha'a'. Tu ìyo nda ndian natii takuii, na kichi na i'ya. Na kichi na ta ku'va saani̱ ma takuii ko'o na ña chà'a kivi koo yo.